Vawiin khan Indian Institute of Mass Communication, Mizoram zirtirtu te leh zirlai te chu Information &Public Relations Directorate-a officer te nen  I&PR Director Pu Jim K. Chozah pisaah an inkawm.

IIMC, Mizoram Center-a PG Diploma in Journalism zirlai pariat te hi an Professor Gopal Mishra leh Asst. Professor pahnih te’n rawn hovin I&PR a Officer leh staff te hnathawh dan tlangpui an thlir a. Darkar 1 vel inkawmna hun tha tak an neih hnuah Office building, Auditorium, Conference Hall, News Room leh Studio te fanpui an ni a. All India Radio Aizawl leh ZONET Office te pawh an tlawh nghal a ni. Tarlan tawh thin angin IIMC Mizoram Centre-ah hian Post Graduate Course in Journalism  Class hmasa ber chu Aug ni 8, 2011 khan tan a lo ni tawh a ni.