Vawiin khan Resident Commissioner, Govt of Mizoram New Delhi Pu Dharmendra, IAS in Mizoram Pavilion a tlawh a. He IITF hi India rama event lian ber state tana inphochhuahna platform tha tak anih avangin urhsun taka in puahchah a tul zia sawiin kum dangah chuan hun ngah zawk a inbuatsaih thin ni tawh sela a duh thu a sawi.

Mizorama Industries nei tu te’n an thilsiam pholanna tur outlet New Delhi ah an neih a tulzia hria in Mizoram pavilion emaw hmun dang tha zawk te pawh ngaihven tha a ti a, hmalak pui a tum thu a sawi a. Bungraw thenkhat hawn let rem lo te pawh Mizoram house ah display na tur ruahmun sak a in huam thu a sawi a. New Delhi ah Janpath area vel ah te pawh market oulet tur remchang lo en thli thlai sak turin fair Guide (Delhi Mizo zirlaite) a chah bawk a ni.

Resident Commisiioner in thilsiamtute hma ngai a hma lak pui an tulzia hre chiang a, ruahmanna siampui a tum thu ah Pavilion Director Pi R.Lalrodingi’n lawmthu a sawi a, Mizoram Sawrkar Flagship Programme (NLUP) hlawhtling chho mek hian marketing outlet rin tlak a mamawh zia te sawi dun a ni. Mamawh leh tulna awm apiangah amah tibuai hreh lo tur a hrilh avangin official leh entrepreneurs ten thlamuan thlak an ti hle a ni.

Mizoram pavilion hian nitin tlawhtu 6000 aia tam a nei thin a, nitinin an pung chho zel a ni.

Attachment

  • Loading attachment...