Vawiin May 29, 2012 hian IMPCC Meeting pawimawh tak AIR Conference Hall-ah hman a ni a, member an kal tha hle. He meeting hi Chairman thar Pu D.R. Lalropuia, DDE, AIR Aizawl chuan a kaihruai a ni. He hunah hian AIR, DDK, PIB leh Filed Publicity ten an hnathawh hrang hrang an sawi hova; State Sorkar atanga telten thu pawimawh tak tak an sawi a ni.
Chairman sawm angin Pu R. Vanhnuaithanga, Deputy Director, I&PR Department chuan State Sorkar in a ngaih pawimawhber, NLUP chungchang sawiin; Mizoten kan rilru put hmang siam that a tulzia te, Sorkar atanga thingtlang mite leh miretheite chawikan na tura hmalakna ah adawngtu mipuiten an sum hmuh chhan ang ngeia hman zel nise, hlawhtlinpui tam tak awm thei a nih thu te, kan sum dawn chhan anga mahni tan mi tin rinawm atulzia te a sawi a. Mizoram hrisel zawkna tura Vaihlo leh a kaihhnawih do kawnga Department tinten uluk zawka hmalak atul thu uar taka sawiin, hemi kawngah Mizote hian thil tha kan hriat pawh mahni duhzawng a kalpui mai kan chin avangin harsatna tam tak kan tawk thin a, zirtirna tha kan dawn hi zawm turin Media lamten tan lak nasat a pawimawh thu a sawi bawk.
Dr. Jane R. Ralte, State Nodal Officer-cum-Project Officer pawhin Meizuk dona kawnga Mizoram State Control Society hma lakna te sawiin, nasa taka hmasawnna a kal dan report ngaihnawm tak a pe a ni.
Health Department te, AH &Vety., ten tun thla chhunga an hmalakna hrang hrang an sawi a, theih tawpa kan ram hmasawnna tura mahni chanvo tipuitling theuh tura infuihin hun tih tawp a ni.
June 27, 2012-ah AIR Conference Hall-a Meeting neih leh tur a ni a, June thla Thupui (Theme) atan: ‘International Day against Drug Abuse & Illicit Trafficking’ thlan a ni.
