Rajya Sabha MP, Pu Ronald Sapa Tlau in Union Health Minister hnena a ngenna angin Mizoram a Cancer dinhmun leh Infant Mortality Rate zirchiang turin National Institute of Cholera and Entric Diseases(NICED) ICMR Kolkata atanga mithiam pathum Dr.Samiran Panda, Scientist F(team Leader), Dr.Shanta Dutta, Scientist G leh Dr.Alok K.Deb, Scientist E te chuan, Saiha leh a chheh vel a Infant Mortality Rate san chhan zirchianna an nei.

Chipchiar tak leh test chi hrang hrang an tih hnuah heng mithiamte hian an thil hmuhchhuah hetiang hian an tarlang:- 1) Nu, lehkha zirsang lo ah fate thi an tam bik. 2) Nu leh Pa hnathawk ve ve an nih avanga fate kalsan thin ah. 3) Iron Folic Acid ei that loh avanga Nu, naupai lai thisen tlachham ah. 4) Nu in damdawiin ni lo, In lam a nau neih avangin. 5) Zuk leh hmuam ti nasa ah, a bikin kuhva ei nasa ah. 6) Hei bakah hian Naupang kawthalo hri – Rota virus leh Adino virus a tam hle tih hmuhchhuah a ni bawk, hei hi a chhan ni a an hmuhchhuah chu ei leh in thianghlim tawk loh vang leh tui in tur thianghlim tawk loh vang a ni tih hmuhchhuah a ni bawk. 7) Faina leh thianghlimna kawngah nasa leh zual a tan lak a ngai a, ran enkawlna kawngah te, in leh a vel vawnfai kawngah nasal eh zual a tanlak a ngaih thu an sawi.