Urban Development & Poverty Alleviaiton Department hnuaia PMAY:Housing For All (Urban) Mission kalpui mek ah, Mirethei (Economically Weaker Section) Aizawl Urban area (AMC huamchhung) a cheng, insak tanpuina dil duh te tan dilna form siamsa hmangin September 2019 chhung hian Tanpuina dil theih a ni. Dilna form hi UD&PA Directorate, Mizoram New Capital Complex, Khatla-ah Office hun chhungin lakchhuah theih a ni a, hun tiam chhung ngei hian UD&PA Directorate Office-ah hian thehluh leh tur a ni.

PMAY:HFA(Urban) Mission hnuaia insak tanpuina dil turte chu a hnuaia mi ang hi an ni tur a ni:
1. India khua leh tui an ni tur a ni.
2. Tuna an chenna khua ah kum nga(5) tal an cheng tawh tur a ni. Hei hi 1st January 2019 atanga chhiar let a ni ang.
3. Economically Weaker Section(EWS) an ni tur a ni (Chhungkua a sum lakluh kum khat chhungin Rs. 3 lakh aia tam lo te)
4. In sakna tur ram an nei ngci tur a ni a, ram an neihna lehkha hmuh theihin a awm ngei tur a ni.
5. Tanpuina dil turte hi an mahni puala chenna in la neilo an ni tur a ni.
6. Tanpuina dil tur te hian Aadhaar number leh Bank Account an nei ngei tur a ni.
7. Tanpuina dil turte hi chhungkua a awm an ni ngei tur a ni.
8. Programme dang hnuaia insak tanpuina dawng tawh ten PMAY:HFA(U) Mission hnuaiah tanpuina an dawng thei lo ang.
9. PMAY:HFA(U) Mission hnuaia insak tanpuina dil tawh te tan dil nawn loh tur a ni.