Vawiin chawma dar 11 khan DIET Champhaiah Zirtirtu thawk lai mek te tan Diploma In Teacher Education Training Session hmasa ber hawn a ni a. Pi Malsawmthangi Director SCERT chuan khuallian niin Training hi a hawng a ni.

Khuallian Pi Malsawmthangi chuan thusawiin, Vawiin hi Mizoram Education history-ah hriat reng a ni tawh dawn tih sawiin, DIET Champhai chu Zirtirtu thawk mek te tan a Training theih na tur a kawng hawn alo ni ta chu lawmawm a tih thu sawiin, Kum 2015-ah chuan zirtirtu Training neilo chu rawih an nih tawh dawn loh avang in, Zirtirtu thawk mek la training ve lo te tan a training na tur nasa tak a ngaihtuah pui an ni tiin, hemi kawnga hma an lak nasat thu sawiin, an kal kawng thui tak a sawi nghal bawk a, Chuvang chuan training tur kal khawm te chu theih tawp chhuah tur leh a tha zawng a hmasawnna (change) nei ngei turin a chah a ni.

Zirtirtu Training tur te chu engtia hriat reng in nge an awm dawn tia zawtin, Nu leh Pa in an fate zirtir turin an thlamuanpui dawn em, zirlai ten engtiangin nge an hriatreng dawn tih in zawt nawn fo turin a chah a, Zirtirtu ten an zirchhuah tha apiang chu naupangte zirtir leh chhawn tur a ni tih hriaa, nungchang, hawiher leh tawngkam uluk tur leh ruihtheih thil lakah pawh inthiarfihlim a tul zia a sawi bawk. A pawimawh berah chuan Ziirlaiten min hlau lovin min zah tur a ni a, zirtirtu te pawh in thawhpuite zah tur leh Sir/Madam tih hreh reng reng loh tur tiin kawng tinreng ah in chherchhuahna thar neia rilru thar nena training chhuak ngei tur in duhsak na a hlan nghal a ni.

Pu RL Thianghlima, Principal DIET Champhai pawh in Champhaia DIET lo in dinchhoh dan a sawi a, Dt 22/10/2004 ah a lungphum phum a ni a. Tichuan, Dt 07/04/2006 khan Telescope DIET angin a function a. Kum 2012, 29th December khan TAEB Meeting chuan DIET puitlingah a hlangkai ta a ni. DIET hi IGNOU Programme Study Centre a nih bawk avangin tunah hian IGNOU Zirlai 95 lai an awm a. Tun a In-Service Training tur te hi mi 121 an ni a. Tihuan IGNOU leh In-Service Training turte an vain Zirlai 216 an awm a ni.

Pu Lawmawma DEO Champhai leh Pi K.Lalsiamliani SDEO Champhai te pawhin thu tha tak tak an sawi a, Ruantlang Bialtu Pastor, Rev. K.Vanlalhriata an hunserh a hmang a ni. Pi Lalsangpuii, Lecturer, DIET Champhai chuan lawmthu a sawi ani