Vawiin khan Kawrthah khuaa P.W.D I.B kawtzawlah India Independence Day Vawi 70 na chu hman a ni a. Pu R Vanlalvena, Chairman, ZOHANCO chu khuallian niin he hun hi a hmanpui a ni.

Khuallian chuan, Kawrthah khawtlangin an lo dawnsawn danah lawmthu a sawi a, Kawrthah khua chu faina kawngah khaw entawn tlak tak a nih thu sawiin, Faina kawnga an hmalakna chu vawng nung zel turin a chah a, Kawng chungchangah, kawng tha nei turin Kawngchhe tak neih hmasak a ngai a ti a, Sorkar leh Bialtu Minister pawhin kawng tha neih hi a nghakhlel em em a ni a ti.

Sorkar Flagship Programme NLUP avangin Mizo mipui ten kawng tam tak hma kan sawn a ni a. Hemi belhchhah tur hian Sorkar chuan New Economics Programme a duang mek a ni a ti bawk.

Independence Day Vawi 70-na denchhen hian Kawrthah Sorkar Department leh NGO ten Damdawiina damlo te pualin thawhlawm an thawh a, heng thawhlawm tliang khawm hi Rs. 10,000/- chuang a ni a, Khuallian hian Tuna Kawrthah Damdawiin a admit mek mi 15 hnenah a sem bakah Poor Fund atan dah a ni bawk.