Regional Institute of Paramedical & Nursing Sciences (RIPANS) chuan Central Ministry in zirna in awng zawng te a hriattir leh ngenna angin “Independence 70” leh tun kum thupui “Yaad Karo Qurbani” denchhenin 14th August, 2016 Pathianni zan 7:00pm khan “Candle Light Freedom March” neih ani.

He hunah hian zirlai leh staff hnam hrang hrang inchawhpawlh ten uniform leh state tin traditional dress a inthuam in India hnam hlate urhsun taka sak hona hun an hmang. 15th August, 2016 “Independence Day” 6:30am ah Dr. Chawngthanliana, Director RIPANS in hnam puanzar pawhpharhna hun a hmang a. He hunah hian kum 1947 a piang senior citizen mi engemawzat ten sawm an nih angin an hmanpui a, chawimawina thilpek hlan theuh an ni.

He hunah hianZirlai leh staff zawng zawng ten “Independence Day Run” neih chhunzawmin, hnam hlate sa in an au rual bawk a ni.