Vawiin khan DC Conference Hall, Mamit-ah Pu Bhupesh Chaudhary, IAS District  Bawrhsap ho-in India Indepence Day Vawi 72-na Mamit-a hman dan tur ngaihtuaha thutkhawm a ni.

Meeting hi Pu Jacob Lalawmpuia Addl D.C chuan kaihruaiin India in zalenna a hmuh champhaphak ropui tak hman ni se tih a ni a, GSA Playground-ah zing dar 10 ah hnam puanzar pawhparh nise tih a ni.  Hnam puanzar pawtparh tur hian Sawrkarin aruat apiang lawmtaka lo pawm ni se commiittee chuan a ti bawk.

He ni ropui tak hmang tur hian Sawrkar Department hrang hrangte chu chanvo in pek a ni a. Hnam puanzar chibai buk chhanglet tur hian  school contingents 17, Armed contingents 2 leh Pipe Band te beisei an ni.

India Independence Day 2018 hlawhtling taka hman a nih theihna  turin Addl DC Chairman-na hnuaiah Sub Committee din a ni bawk

India Independence Day 2018 pual hian Mamit District huap,  Football, Volleyball leh Badminton ah te tournament buatsaih a ni ang.

Meeting-ah hian Sawrkar Department  hrang hrang Officials, Khawtlang hruaitu, Tlawmngai pawl  hrang hrang aiawh leh thutharthehdarhtu te an tel a ni.