Kolasib District bawrhsap, Superintendent of Police leh Kolasib district-a sorkar hnathawk zawng zawng te, vawiin nia India Independence Day hmang tura lokal zirlai naupang leh nu leh pate, district mipui zawng zawng te, hmun dang aṭanga he ni pawimawh tak hmang tur lo kal zawng zawng te. In zavaiin India Independence Day vawi 80-na chibai ka buk a che u.

Vawiin ni hian kan district chhunga sorkar office hrang hrang te hmalakna chhuanawm tam tak zinga a tlangpui tak tak tarlan kan tum dawn nia. 

KOLASIB – achievement report

Office of the Deputy Commissioner (DC Office)

Kolasib District Deputy Commissioner Office, hmasawnna hna hrang hrang viltu leh district administration kengkawhtu ni bawk ina kum 2025 atanga vawiin ni thlenga an hnathawh langsar zualte chu hengte hi an ni:

ILP & Certificates: Regular ILP 2,332 leh income, residential, tribal certificate   hrang hrang 21,255 an pe chhuak.

Disaster Management (DM&R): Chhungkaw 148 hnenah leh hna 56 thawh nan tanpuina cheng ₹35,75,900 an sem. 

Railway & Power Grid Court Cases: Railway compensation atan Court thutlukna angin cheng ₹9,76,35,899/- lai an sem chhuak. 

Vairengte to Sairang 4-Laning (NH-306 & 06): CALA hnuaiah ram lakna hna kalpui a ni a, Package 8 (Mualkhang) ah beneficiary 16 hnenah cheng ₹24,08,75,806.23; Package 2 ah beneficiary 36 hnenah cheng ₹18,10,65,340/-; Package 5 (Gosen Veng - Thingdawl) ah beneficiary 79 hnenah cheng ₹44,57,60,730.95; leh Package 6 (Bualpui - Kawnpui) ah beneficiary 85 hnenah cheng ₹40,56,97,042.83 an sem chhuak tawh a, kawng sial hna a kal mek a ni.

Kolasib District Police

Kolasib District Police (Office of the Superintendent of Police) te chuan January 2026 atanga July 31, 2026 reporting period chhung khan criminal case hrang hrang 91 lai an register a, case hrang hrang laka thil bo cheng ₹8,16,054/- man hu an hmu let a ni. Ruihlo tam tak an man te zingah IMFL 3,486.6 litres leh beer 2,109 litres (a vaiin cheng ₹2,42,88,810/- man hu) leh Heroin gram 2,274.97 (cheng ₹4,44,73,950/- man hu) te an tel a. Kolasib District Drugs Disposal Committee hmalaknain March 30, 2026 khan Heroin gram 181.49, Methamphetamine 23.43 Kgs, leh Ganja 10.155 Kgs (a vaiin cheng ₹3,19,14,785/- man hu) te chu Kolasib PS complex-ah an tichhia a ni. Central Equipment Identity Registry (CEIR) hmangin mobile phone bo 177 lai hmuhchhuah niin a neitute hnenah an hlan a, tin ruihlo kaihhnawih laka fihlim tura inzirtirna (awareness campaign) vawi 8 lai middle school hrang hrangah neiin zirlai 489 an tel a ni.

Excise Department

Excise & Narcotics Department chuan khawtlang him nan ruihhlo do hna nasa takin an thawk a, dan lova zu leh ruihhlo (Heroin leh Methamphetamine tiamin) tawlhruk thahnem tak an man a. Kumin January atanga July 15 thleng khan sawrkarah chhiah Rs. 11,79,850/- chhunglutin, dan bawhchhia mi 1,847 an man bawk a ni.

Kolasib Treasury

Kolasib Treasury chuan sawrkar sum vawn leh enkawl hna thawk zelin, DDO te bill theh luh enfiah leh budget ceiling humhalh hna an thawk reng a. Kum 2025-2026 chhung hian thla tin average monthly transaction chu cheng ₹35.695 crore a tling a, hemi chhung hian salaries, supplier bills, leh grants te an thlithlai thin. Pension Disbursing Authority an nih angin civil pensioner 2,207 chuang record vawngin thla tin pension cheng ₹10.588 crore vel an sem chhuak a, March 31, 2026 thleng khan Finance Department deadline chhunga Treasury thleng bill reng reng engmah lapse a awm lo.

District Research Office (DRO)

Kolasib District Research Office chuan hmasawnna tura ruahmanna siam nan hna pawimawh tak thawk zelin, "Kolasib District Baseline Profile 2025" lehkhabu an tichhuak a . District chhunga Village Council 60 atangin Socio-Economic Survey an kalpui a, mihring awmzat, literacy rate, leh sex ratio data pawimawh te an khawm thin.Mizoram District Transformation Programme (MDTP) hnuaiah project approved fel tawh 7 lai hlawhtling takin an kalpui a, kum 2025 chhunga piang, thi, leh thihchhan report felfai tak an buatsaih bawk a ni.

Land Revenue & Settlement Department

Kolasib District Land Revenue & Settlement Department chuan kumin chhungin Document 790 lai an register a, Registration leh Stamp duties atang hian cheng ₹10,385,496/- revenue an hlawhchhuak a ni. House Pass 161 leh Land Settlement Certificate (LSC) mutation/correction/education/partition atan 1,590 lai an pe chhuak bawk. Heng bakah hian tax revenue atangin ₹94,37,124/- leh non-tax atangin ₹18,14,834/-; a vaiin cheng ₹1,12,51,958/- sorkar-ah an chhung lut a ni.

Public Health Engineering Department (PHED)

PHED, Kolasib WATSAN Division chuan kum 2025-2026 financial year (June 2026 thleng) khan tui man (Water Revenue) atangin cheng ₹9,63,69,069/- lai an la khawm a ni. AMRUT 2.0 hnuaiah Kolasib, Vairengte, Kawnpui, leh Bairabi Water Supply Schemes (WSS) tihchangtlun nan distribution lines zawm belh leh thawm that te, tuizem siam leh khawl tihchangtlun hna te an kalpui mek a ni. SBM(G) hnuaiah Kolasib District-a thingtlang khaw 30 ah ek-in te, tuichhe paihna te leh compost pit siam hna te an thawk  bawk a ni.

PWD National Highway Division-III, Thingdawl

PWD National Highway Division-III, Thingdawl chuan July 1, 2025 atanga June 30, 2026 reporting period chhung khan Kolasib District huam chhunga kawngpui siamna lamah hlawhtling takin hma an la a. Hemi chhung hian Pavement Quality Concrete (PQC) 1,105 meters lai an siam a, kawng blacktopping 700 meters a thui leh Lined Side Drain 900 meters an thawk zo tawh a ni.

Agriculture and Farmers' Welfare Department

Agriculture and Farmers' Welfare Department chuan Kolasib District chhungah loneitu hamthatna hrang hrang an thawk a, Oil Palm-ah hian farmers 546 awmin, a rah hralh chhuak mek tu mi 200 lai an awm tawh a ni. Nikum Financial Year chhung khan oil palm rah 2,322 metric tonne (MT) an hralh a, hei hi ₹386 lakh man hu a ni a; tin Oil Palm tiak 55,627 chuang (389 Ha cover nan) an sem bawk. Bukvannei Oil Palm Mill atangin Crude Palm Oil (CPO) 1,162 MT lai hralh niin, a man hi ₹1,011 lakh lai a tling. PM-KISAN hnuaiah loneitu hamthatna dawng thei chhungkaw 13,093 register fel an ni a, installment 23-na thlenga dawng kim mi 8,632 an awm bawk. Mizoram Agricultural Marketing Board hnuaiah loneitute hnen atangin paddy/buh 268.382 MT cheng ₹80.5146 lakh man hu leh sawhthing 219.052 MT (loneitu 271 hnen atangin) cheng ₹109.526 lakh man hu an leisak tawh a ni.

District Horticulture Office

District Horticulture Office, Kolasib chuan January 26, 2026 atanga August 15, 2026 chhungin Avocado unit 20 (Kolasib, Serkhan, leh Lungdai), Dragon Fruit unit 10 chin tuma hmalakna te leh Kawnpui-ah M. Orange unit 10 chinna hna an kalpui a. Thingfanghma unit 70 te chu Kolasib, Lungdai, Serkhan, Thingdawl, Kawnpui, leh khaw hrang hrangah an phun tir a, National Bamboo Mission (NBM) hnuaiah Rua (bamboo) unit 37 Thingthelh-ah an chin tir bawk. Hand Holding Scheme (CM Special Package) dilna 6 an dawng mek a, tin Spices-ah sawhthing unit 49 (Lungdai, Kolasib, Zanlawnah) leh aieng unit 40 (Meidum, Saipum, Pangbalkawnah) chin tir a ni.

District Sericulture Office

District Sericulture Office, Kolasib chuan silkworm cocoon leh pupae thar chhuah kawngah loneitute nasa takin an tanpui a, Central Silk Board funded Centrally Sponsored Scheme ‘Silk Samagra – 2’ hnuaiah projects pahnih an kalpui mek a ni. Kum 2025-2026 chhung khan Eri Cocoon kg 700, Eri Pupae kg 3,062, Eri Silkworm Seed 20,000 DFLs, Muga Cocoon 6,500, Muga Seed Cocoon 25,700, leh Mulberry Seed Cocoon 75,000 lai an thar chhuak a, heng cocoon tharchhuah zawng zawng te hi a man bithliah sa angin Sericulture Dept Mizoram-in a leisak vek a ni.

Kolasib Forest Division (EF&CC Department)

Kolasib Forest Division chuan kumin 2026 chhung hian thing tiak 6,000 lai office, school leh NGO te hnenah an sem chhuak a, Green Mizoram Day leh World Environment Day pualin tiak 1,200 lai an phun thar bawk. Fire prevention program hnuaiah khaw titha ber lawmman an sem a; lawmman dawngtute chu 1-na Serkhan (₹75,000/-), 2-na Khuangpuilam (₹50,000/-), 3-na Pangbalkawn (₹40,000/-), leh consolation prize (₹10,000/- leh certificate theuh) Saipum, Thingthelh, leh Nisapui te an ni. Revenue Collection-ah cheng ₹2,40,76,014/- lai sand, sawn timber, bamboo etc. atangin sawrkarah an chhung lut. 

District Fisheries Development Officer

District Fisheries Development Officer, Kolasib chuan PMMSY leh DAJGUA tangkawpin Buarchep Zau, Phainuam-ah loneitu 20 hnenah hectare 13-a zau sangha dil thar laihna tur tanpuina an pe a ni. Luidung humhalh leh Fisheries Act & Rules hrilhfiahna hun YMA Branch 15 te hnenah an buatsaih a, luidung humhalhtu YMA branch hrang hrang leh sangha man a ei zawng mi 1,241 te account-ah ₹3,000/- theuh an thunsak bawk a ni.

Power & Electricity (P&E) Department , Kolasib Power Division

Tuirial 132kV 2nd Evacuation Line, 39.618 KM a thui siam hna chu 95% lai thawh zawh a ni tawh a. Hemi rual hian Damdiai Zau, Dumkel Zau leh Chhimluang Zau-ah te hlawhtling takin power supply pek chhuah vek (100% completed) a ni tawh bawk. Heng bakah hian PM Surya Ghar Muft Bijli Yojana hnuaiah hma lain, chhungkaw (household) 53 te in chungah Rooftop Solar vuahsak fel an ni tawh bawk a ni.

Land Resources, Soil & Water Conservation Department

Land Resources, Soil & Water Conservation Department chuan North Eastern Council (NEC) sum hmangin Chemphai khuaah "Enhancement of the Economic Value of Existing Arecanut Plantation" (Kuhva sawngbawlna) hna an thawk mek a, hemi hmang hian kuhva rah skop, pho ro, leh a kau atanga thleng leh no siam te an zirtir a ni. SASCI sum hmangin LR, S&WC Complex Kolasib-ah Office Building, Quarters, leh Boundary Fencing hna te an thawk bawk a ni.

Women & Child Development (Social Welfare Department)

Women & Child Development, Kolasib District chuan Mission Shakti hnuaiah hmeichhe chhawmdawlna hna thahnem tak an thawk a, One Stop Centre (Kolasib leh Vairengte) ah kumin chhungin hmeichhia leh naupang harsatna tawk mi 51 an enkawl tawh a. Shakti Sadan-ah hmeichhe baihvai leh belh tur nei lo mi 14 an tanpui tawh bawk. Kumin chhung hian PMMVY hnuaiah nu naupai tanpuina dawng thei mi 323 an register tawh a. Women Helpline (181) leh Child Helpline (1098) an din tawh bawk.

District Child Protection Unit (DCPU) January atanga June 2026 chhung khan Child Welfare Committee (CWC) leh Juvenile Justice Board (JJB) kaltlangin naupang venhim ngai leh dan bawhchhia case 60 chuang  ngaihtuah a ni a, district chhunga Child Care Institution 5-ah naupang 76 uluk taka enkawl mek an ni. Heng bakah hian kum 2024-2026 chhungin naupang harsa zual 150 hnenah thlatin Rs. 4000/- sponsorship pek chhuah a ni a, Child Helpline 1098 hmangin case 38 dawngin, Foster Care, After Care leh Adoption programme te tluang taka kalpui a nih piah lamah POCSO leh Juvenile Justice Act chungchangah mipuite zirtirna nasa taka kalpui mek a ni bawk.

Samagra Shiksha (Education Department)

Samagra Shiksha, Kolasib District chuan School tihchangtlunna (Civil Works) school 109-ah cheng nuai ₹215.4 hmangin hna an thawk mek a, hengah hian dysfunctional girls toilet repairing (school 81, cheng nuai ₹81) leh Girls Toilet construction thar (school 28, cheng nuai ₹134.4) te an thawk a ni . Netaji Subash Chandra Bose Avasiya Vidyalaya (NSCBAV) hmeichhe hostel-ah Elementary Girls Hostel (Bualpui North) ah zirlai 50 leh Secondary Girls Hostel (Vairengte) ah zirlai 30 an chawm mek a ni.

Health & Family Welfare / National Health Mission

Health & Family Welfare Department, Kolasib chuan National Quality Assurance Standards (NQAS) hnuaiah District Hospital, CHCs, leh PHCs te chu National Level Certified vek an nih bakah Health & Wellness Centre leh Sub Centre level-ah State Certified 4 an nei tawh a ni. Malaria API chu 0.17 (2025-2026) ah a tlahniam a, Malaria vanga thi an awm lo bawk. District chhung Village Council 60 zingah TB Free Village 27 an nei tawh a. Kumin chhung hian raipuar sub-centre-a register 99.4% te hnenah Td Vaccine pek vek an ni a, damdawi ina naupiang pawh 98.2% lai an tling tawh a ni.

Legal Metrology, Kolasib

Legal Metrology, Kolasib chuan sumdawngte bukna leh tehna endik hna thawk zelin, kumin chhung hian sumdawng dawr 287, Petrol pump 97, Tank Lorry 155, LPG Truck 41, Tui meter 300, leh Weighbridges (Mimal, Sorkar leh FCI) 7 te an endik tawh a ni. Retailer te leh LPG semchhuah leh MRP aia sanga thil hralh chungchang enfiah thin niin, dan bawhchhetute hremna pek thin an ni.

DRDO / MzSRLM / WDC-PMKSY 2.0 / PMAY(G) / VB-G RAM G

 Kolasib District-a hmasawnna hna kalpui mekah hian MzSRLM hnuaiah SHG 804 din tawh a ni a, DDU-GKY kaltlangin thalai 222 in hna an hmu tawh bawk. PMAY(G) hnuaiah chhungkaw 4352 chu insak tanpuina dawng tlak a ngaih niin, MGNREGA-ah kumin chhungin cheng nuai 1614.49 senga ni 46 inhlawhna siam a ni tawh a ni. WDC-PMKSY 2.0 hnuaia hna 500 chuang geotag tawhte leh sum chevel reng reng hi uluk takin PFMS leh DBT hmanga vil a ni.  WDC-PMKSY 2.0 hnuaiah hian Project Implementing Agency (PIA) pathum awmin, project pakhatah hectare 2500 huam chhung theuh bika hna thawh a ni. Hnathawh tur reng rengte hi Gram Sabha kaltlanga thlan thin niin, Bhuvan leh MIS portal-ah te uluk taka dahluh zui zel a ni bawk.

Local Administration Department (LAD)

Local Administration Department (LAD) chuan 15th Finance Commission Grant atangin Village Council hrang hrangah PCC flooring, steps, retaining wall, slab culvert, leh tui khawlna lam hawi hna te a thawk a. 15^th Finance Comission hnuaiah Kum 2025-26 ah First leh sencond installment ah cheng ₹3,58,11,000.00 ve ve hmuh niin VC ten hna an thawk zo tawh hlawm a ni. 16th Finance Commission Grant-ah kum 2026-2027 atan 1st leh 2nd instalment cheng ₹3,68,74,188/- ve ve hmuhin GPDP khawn mek a ni bawk. RGSA scheme hnuaiah Kawnpui-IV VC tan Panchayat Bhawan thar sak nan cheng ₹20,00,000/- dawn a ni a, Panchayat Bhawan thar 26 lai sak zawh tawh niin cheng ₹4,60,00,000/- hman a ni tawh a, VC 10 hnenah computer set hlan an ni a, Kolasib VC zawng zawngin computer set an dawng kim tawh a ni.

Extension Training Centre (SIRD&PR)

Extension Training Centre (SIRD&PR) chuan NISD Delhi nen tangkawpin Village Council member te tan "Social Defence Issues for Panchayati Raj functionaries" training an pe a. BDO Bilkhawthlir leh BDO Thingdawl Block te nen tangkawpin VB-G RAM G chungchang zirhona neih a ni a, tin MzSRLM SHG members (Thingdawl Block) hnenah Crochet/Laphiar training an buatsaih bawk.

ICAR, Mizoram Centre, Kolasib

ICAR, Mizoram Centre, Kolasib chuan mimpui chi thar "Siata Mimpui" leh "Mizo Popcorn-1" sem chhuakin hectares 1,381-ah hlawhtling takin an chin tir a, hemi hian loneitute hlawkna chu 21% atanga 34% in a ti pung a, Seed Replacement Ratio (SRR) pawh 72% aia sang an tlin phah a ni. Training vawi 12 buatsaihin farmers 611 lai knowledge leh skill an pe tawh a. Integrated Farming System (IFS) models pahnih Phainuam leh Chemphai-ah din niin kum tin net income ₹2.5 lakh vel an hmuchhuak thin a ni.

DIET, Kolasib

Tunah hian zirlai I Semester (mi 54) leh III Semester (mi 52) an awm mek a, batch 11 an chhuak tawh a ni. Mipa hostel thar sak zawhah zirlai pathum an lut tawh a. MTET exam centre niin August 2026 hian exam an buatsaih leh dawn a, zirlai leh zirtirtute tan Cyber Crime, HIV/AIDS awareness leh Mask/Craft making workshop te buatsaihin on-site support an kalpui bawk. 

School of Nursing, Thingdawl (SONT)

School of Nursing Thingdawl, Kolasib chu December 2017 khan din a ni a, batch 6 an chhuak tawh a, qualified nurse 113 lai an zirtir chhuak tawh a ni. Tunah hian zirlai 62 an awm mek a, College of Nursing-a hlankai tura upgradation process leh civil works hna an kalpui mek bawk a ni.

District Transport Office, Kolasib

District Transport Office, Kolasib chuan April 1, 2025 atanga July 31, 2026 inkar chhung khan Sarathi Report-ah Driving Licence thar 723 leh Learner Licence 2,350 pein revenue cheng ₹19,74,000/- an hlawhchhuak a. Vahan Report-ah motor registration 2,020 neiin revenue cheng ₹3,23,19,730/- an la khawm a, counter leh online revenue zawng zawng tlingkhawm , cheng ₹3,42,93,730/- lai sawrkarah an chhunglut a ni. 

District AH & Veterinary Office

August 1, 2025 atanga July 27, 2026 chhung hian district huam chhungah theih tawp chhuahin ran damlo 17,925 lai an enkawl a. Ran hrileng laka an fihlim theih nan Vairengte, Bairabi leh Saiphai check post-ah te ram pawn atanga ran lo lut 5,93,986 lai uluk taka endik an ni bawk. Hengte bakah hian, African Swine Fever (ASF) hri avanga vawk thi leh tihhlum ngai te tan zangnadawmna cheng ₹60,79,368 lai vawkvulhtute hnenah an sem chhuak a ni. Sawrkar Flagship Programme 'Bana Kaih' hnuaiah CM Package dawng mi 6 hmalakna kalpui mek a ni bawk.

Krishi Vigyan Kendra (KVK), Kolasib

Krishi Vigyan Kendra (KVK), Kolasib chuan kum 2025-a technology thar an kalpuite zingah, buh variety tha RC-Maniphou 15 leh 16 te hlawhtling taka enchhinin Hectare khatah quintal 35-40 thar theih a ni tih an finfiah a. Nihawi (Sunflower) variety tha Chemphai leh Buhchangphai farmers thlan bik hnenah chin tirin, hlo hriak kg 1 atangin tel 400ml sawr chhuah theih a ni tih an finfiah bawk. Kum 2025 chhung khan farmers 3,241 hnenah training vawi 89 lai an pe a, capacity building leh extension program 550 lai an nei bawk. April 2026 khan ISO 9001:2015 Quality Management system certified institution-ah hlan an ni.

UD&PA Department 

PMAY(U) 1.0 hnuaiah in sak tura ruahman atangin 86.25% lai sak zawh a ni tawh a. Hemi scheme hmalakna thar zawk, PMAY (U) 2.0 ah hian chhungkaw 94 hnenah tanpuina pek chhuah tawh niin, phase 2 atan mi 143 hnenah approval pek a ni bawk. DAY-NULM hnuaiah Area Level Federation (ALF) 6 din tawh zinga 3 te chu Multipurpose Society-a inziak lutin, sawrkar atanga pawisa fai tanpuina leh khawl hrang hrang hmangin "ZO-COOP" brand hnuaiah hma an la mek a ni. Heng bakah hian SBM-U kaltlangin public toilet 16 hman theih turin an siam a, Solid Waste Management Centre pawh April 1,2026 atangin enkawl chhunzawm a ni.

District Civil Supplies Office

District Civil Supplies Office chuan chhungkaw 52,250 (AAY leh PHH) hnenah thla tin ration buhfai hun bi fel takah an sem thin a. Selection Committee ruahmanna in ration card siam a ni a, mipuiten an phu tawk ang zel an dawn theih nan theihtawp chhuahin hma an la mek a ni.

State Tax Kolasib Zone

State Tax Kolasib Zone chuan kum 2025-2026 chhungin chhiah hrang hrangla khawm in sum tam tak sawrkarah an chhunglut a. GST, MVAT, Profession Tax leh Cess hrang hrang atangin chhiah tlingkhawm  chu cheng Rs. 267,793,304/-  a tling a ni.

District Sports & Youth Services

He department hnuaiah hian Football Academy leh Boys Hockey Academy tha taka enkawl niin, infiamna huangah hlawhtlinna tam tak an chang a. Heng an naupang chherchhuah te zingah hian Indian Super League (ISL) leh Indian Football League khel pha eng emaw zat an awm tawh a ni.

Cooperation Department

Cooperation Department hnuaiah hian Cooperative Society 120 inziaklutin, PMJVM hnuaiah VDVK 10 din thar a ni . Sorkar schemes - Pradhan Mantri Janjatiya Vikas Mission (PMJVM), Janaushadi, Pradhan Mantri Kisan Samriddhi Kendras hnuaiah te hian project pawimawh tak tak an kalpui a ni.

Commerce & Industries Department

Commerce & Industries Department chuan PM Vishwakarma hmangin mi 72 te hnenah skill development training an pe a, PMEGP loan project 25 an sanction bawk. Flatted Factory Complex sak mek chu 60% zawh tawh niin, Handholding Scheme hnuaiah Progress Partner 47 ten tanpuina an dawng bawk a ni.

Addl. District & Sessions Judge

Addl. District & Sessions Judge hnuaiah Fast Track Court sak hna chu peihfel thawkhat a ni a, kumin January atanga June thla chhungin thubuai 523 (Criminal 166 & Civil 357) an tifel hman a. Mipuite Court (Lok Adalat) ah thubuai 51 chin fel a nih bakah, dan hre tura mipuite zirtirna hun hman thin a ni.

Lead Bank Office

Lead Bank Office hnuaia Bank Branch 25-ah te mipuite sum dah luh tlingkhawm chu 88,385.52 a ni a, sum puk chhuah chu 56,005.16 a tling a. Sawrkar laipui scheme hrang hrang PMJJBY, PMSBY, PMJDY, PMMY leh KCC te chu hlawhtling taka kalpui mek a ni. 

DISTRICT INFORMATION AND PUBLIC RELATIONS DEPARTMENT 

DIPRO, Kolasib District chuan  mipuite hriatah  Press release , social media , electronic media, print media leh banner te hmangin sawrkar hmalakna te a pho chhuak thin. Sawrkar flagship programme, Banakaih-Handholding scheme thehdarh kawngah pawh chak takin hma a la a, Beneficiary te a hmunah kalchilhin anmahni kawmna Documentary video an siam thin bawk. Mizoram District Transformation Programme hnuaiah LED digital Display Board chu Diakkawn Kolasib ah dah a ni a, heihi mipuiten sawrkar atanga thu pawimawh an hriatna kawngah an tangkaipui hle. 

Aw le, vawiin ni, kan ram zalenna ni vawi 80-na a lo thlen hian mipuite pawh keimahni zalenna mai bakah midangte zalenna inzah sak tawn ṭheuh ila. Ram nuam, ram hmasawn nih I tum thar ṭheuh ang u. 

Ka lawm e!