Vawiin khan Aizawl District Bawrhsap Pu Vanlalngaihsaka hovin D.C. Conference Hall ah sawrkar department pawimawh ten kumin Independence Day lawmna atana inbuatsaihna kalpui dan tur an sawi ho va. Kumin Independence Day lawmna chu Aizawl Sipai Lammual-ah zing dar 8 a tan  turin rel a ni. Meeting ah hian department hrang hrang te mawhphurhna sawi ho a ni a. Pu Vanlalngaihsaka chuan Independence Day chu ram tana ni pawimawh bik a nih angin a lawmna tura mawhphurhna leh chanvo neitu sawrkar department zawng zawng te chuan neitu thinlung dik tak pua mahni mawhphurhna te thahnem ngai taka hlen chhuak turin department aiawh te a ngen a ni.