Vawiin khan Hnahthial khua leh a chhehvela Horticulture Department hmalakna tlawh tur leh kuthnathawktute kawmna hun hmang turin Horticulture Department, I&PR leh MJA ten Hnahthial khaw daia dragon fruit chinna hmun te an tlawh.

Lunglei DHO Pu L Lalhmingmawia Pachuau chuan kuthnathawktute dinhmun chawikang turin Horticulture Department chuan theihtawp an chhuah mek zel thu sawiin dragon fruit hi kum 5 vel kal chhoh pui tawh niin rah tha tak hmuh mek a ni, a ti. Dragon Fruit chin chu sawrkar laipui Mission for Integrated Development of Horticulture (MIDH) scheme hnuaia kalpui niin tun dinhmunah Lunglei District-ah chhungkaw 200 chuangin an ching mek a ni, a ti. Dragon fruits ching tur te leh ching tawh te tan chin dan leh enkawl dan training uluk taka pek thin niin a ching tura thlanchhuahte'n a chi a thlawna an dawn thin thu a sawi bawk. Hemi bakah hian ban phun na turin pawisa fai tanpuina an dawng hin bawk a ni. Kum khatah a rah vawi 5-6 sengtheih niin a hralhna ah harsatna a awm lova, tun dinhmunah Kg khaa Rs. 250/- in a hralh theih thu a sawi a ni. Lunglei District-ah hian Hnahthial, Mualthuam, Haulawng, Zohnuai, Pukpui ah te dragon fruit ching hlawhtling chhungkaw engemawzat an awm mek a, Kum 2019 chhung hian Lunglei District ah Farmer ten 30 Quintals vel an thar tawh a ni.

Vawiin Field Visit ah hian Lunglei DHO Pu L Lalhmingmawia Pachuau leh Horticulture Deparment thawktute, Lunglei DIPRO Pi C.Lalremruati leh I&PR Staff-te, Hnahthial MJA President Pu C.Lalbuatsaiha leh MJA member-ten Pu F.Lalengliana leh Pu H. Lalnunmawia te huan an tlawh a. field Visit ah hian Documentary Video pawh siam nghal niin mipui tam zawkte thlir turin Cable TV ah te tih chhuah tum a ni.

Attachment

  • Loading attachment...