Vawiin khan Independence Day 2016 lawm dan tur Aizawl D.C. Pu Kannan Gopinathan, IAS hovin a office chamber ah rel a ni a. 15th August, 2016 khian AR Lammualah ropui taka Zalenna Ni hi lawm nise, tiin programme an duang nghal a ni.

Independence Day hian zing nichhuah rualin hnam puanzar sawrkar in leh private building ah te pawhpharh a ni ang a. Sakhaw hrang hrangte chu ram himna leh inlungrualna atan tawngtaina nei tura ngen nise tiin Committee chuan a rel a. Zing dar 9 ah Mizoram Chief Minister in hnam puanzar a pawtpharh ang. Independence Day hi hlawhtling taka lawm anih theih nan a kaihhnawih department hrang hrangte chu a tul anga an duty hlenchhuak turin Committee chuan thutlukna an siam nghal a ni. Independence Day lawmna chi khat atana Football Tournament neih tur chu chawhnu ah Final khelh a ni dawn a, hetah hian Chief Minister chu khuallian tura beisei a ni bawk a ni.

Independence Day Parade rehearsal chu 8.8.2016 atanga 11.8.2016 chhungin Ramhlun Sports Complex ah zing dar 6:30 ah neih thin a ni dawn a. Final rehearsal chu 12.8.2016 ah AR Ground ah neih a ni thung dawn a ni.