No.3736/2020-2021   

Aizawl, 3rd August, 2020 : August ni 15 Independence Day, Aizawla lawm dan tur chungchang ah vawiin khan Technical Committee te chu Aizawl District Superintendent of Police(S.P) Sr. Pu C. Lalruaia hovin S.P conference hall ah an thu khawm a. Department hrang hrang te chanvo leh mawhphurhna te sawiho a ni. Hemi hnu hian Aizawl District Bawrhsap Pu R. Lalramnghaka hovin Technical Committee member te chuan Lammual hi a hmunah tlawhin inbuatsaihna kalpui dan tur te an thlir ho nghal a. Kumin ah hian covid 19 hrileng avangin kum danga Independence Day lawmna anga thil kalpui remchang lo te a awm avangin uluk taka mitin himna tur ngaihtuah chunga ruahmanna pawh a tul anga thlak danglam zel a inbuatsaihna hi kalpui mek a ni.