Independence day vawi 64 na lawmna Kawnpui Academy Playground ah tukin zing dar 10:00 khan Pu Chawngtinthanga Parliamentary Secretary in Hnam Puanzar pawt parhin Parade Contingent 14 ten Hnam Puanzar chibai an buk. Zotlang Cultural Club Kawnpui ten Hnam lam, Sarlamkai leh Cheraw mawi takin an entir a ni.

Khualliana Pu Chawnga chuan Independence Day vawi 64 na hmangtu mipuite chibai bukin duhsakna a hlan a. Sawrkar in ram hmasawnna kawng hrang hranga a thawh mek leh a hmachhawp hrang hrang te sawiin  kan ram leilung hausakna hi thiam taka hmang tur leh kan tu leh fa te awmna tlaka siam tura kan duat a tul a ti. Kan theihna leh kan thiamna te ram tasna tangkai taka hmang tur te; inpumkhatna leh inlungrualna nena India ram leh Mizoram tana thawk turin kalkhawm mipuite a chak bawk a ni.

Parliamentary Secretary hian SDEO Office, kawnpui a tlawh a; National Highway 54 laih zauh turin Office building thar a tih chhiat tur chungchang a hmun a en a ni.