India ramin British sawrkar atanga a indan hnu mahni a ro inrel hrang ram anihna Ni “Republic Day 2014” chu tukin zing dar 7 : 30Am khan ropui leh urhsun takin District Playground Saiha-ah lawm ani.

He Ni lawmnaah hian District Bawrhsap Pu Alok Swarup, IAS chu khuallian niin zing dar 7 : 30Am-ah hnam puanzar pawtparhin parade contingent-te chibai a chhanglet a, thu sawiin Khuallian chuan Saiha District chhunga Mizoram sawrkarin Department hrang hrang a hma alakna te a tarlang a, Mirethei te khaichhuahna tur Mizoram sawrkar Flagship Programme pawh hlawhtling taka kalpui mek anih thu sawiin N.L.U.P. dawngtu zawng zawngte chuan rinawm leh taima taka thawka, he Sawrkar Flagship Programme hmang hian leirem rah ngei tum turin a chah hlawm. Sawrkar department hrang hrang te hmalakna leh hmachhawpmek te pawh a tarlang bawk.

He Ni lawmna-ah hian parade contingents 12 awmin School contingents paruk leh Uniform Contingents paruk ten parade an nei a, School Contingents atangin lawmman pakhatna ECM Higher Secondary School Saiha ten dawngin pahnihna Don Bosco School Saiha ten an dawn bakah pathumna Government High School, Saiha ten an dawng a ni. Uniform Contingents atangin lawmman pakhatna Mizoram Home Gourd, Saiha ten an dawng a lawmman pahnihna N.C.C. Don Bosco School ten an lak bakah lawmman pathumna Bharat Scout & Guide, Don Bosco School ten an dawng bawk a, Parade contingents zawng zawng te consolation prize pek vek an ni.

Lawmman te hi Khuallian hian a sem zui nghal a ni. Republic Day lawmna chi khat atan Department hrang hrang panga ten an department hnathawh pholanna Tableau hmuhnawm tak an entira Tableau entirsiakna-ah hian D.H.O. Saiha chuan lawmman pakhatna la in pahnihna MADC Forest Department ten an dawng a, lawmman pathumna hi D.R.D.A. Saiha ten an la a. PWD leh DAO Department te chuan Consolation Prize an dawng bawk.

Tableau a lawmman te hi Pu RT Zachono, CEM, MADC chuan a sem nghal a ni. Republic Day puala Football Tournament neih a ni a, Meisatla Football Club te chuan Champion Trophy an la a ni.

He Ni lawmna pual vek hian Rifle Shooting Competition neih ani a he Competition ah hian 10 metre Air Rifle leh 0.22 Rifle (Maniature)-ah te Pu K.Malsawma chuan lawmman pakhatna a la ve ve a ni.Volley Ball Tournament neih a ni bawk a, he Competition ah hian Mipa ah Southern Young Volley Ball Club te championin, hmeichhia-ah chuan B.S. Volley Ball Club te chu Champion an ni.

Chawhnu dar 1 : 00Pm-ah DC’s Bungalow-ah sawmbikte pualin Thingpui inhona “At Home” neih a ni ang.