Thian duhtak te u,
Vawiin India rama cheng te tana ni ropui leh hlimawm, India ramin British awpbehna nghawngkawl a paih thlak ni, Indian Independence Day champhaphak vawi 76-na lawm tura lo kal khawm zawng zawng te, Independence Day pual duhsakna chibai ka buk a che u.
Vawiina Independence Day lawmna hun kan hman mekah hian, British awpbehna hnuai atanga India ramin zalenna a sualchhuah dan te kha i chhuikir leh theuh ang u. Zalenna sualtu, hruaitu hmasa te Mahatma Gandhi, Jawaharlal Nehru, Sardar Vallabhbhai Patel , Subhas Chandra Bose te leh hruaitu dang tam takte bakah zalenna sualtu pasaltha sang tam takte tawrhna leh inpumpekna te kha hre thar leh theuh i la, zahna leh chawimawina chibai i hlan theuh ang u. Zalenna sualtu pasaltha te duhthusam ang ngei a, India ram hi hnam tin chi tin inngeih dial diala an khawsak hona leh sakhaw zalenna ram a nih chhunzawm zel theih nan mitin ten mawhphurhna kan nei tih hria i la, tan i la tlang theuh ang u. Khua leh tui tha, ram inpumkhatna chawi nungtu ni theuh turin ka sawm bawk a che u.
Vawiin boruak muanawm tak hnuaia Independence Day lawmna hun hlim leh lawm taka kan hmang leh thei ringawt pawh hian ram Zalen leh State ralmuang hnuaia awm nawmzia leh Zalenna hlutzia te min hriat nawntir leh theuh ka beisei a ni.
In hriat theuh angin, kum 3/4 vel kal ta atang khan Mizoram chu harsatna hrang hrang, Covid-19 hripui te, Assam nena ramri buai te, Myanmar ram, Bangladesh ram leh thenawm state Manipura buaina boruak ten min chim buai mek a. Mahse kan zam ngai lo, mangan laia tanpui vartu hnai reng Pathian nei hnam kan ni. Politics huangah han insawiselin han inbahkaih thin mah ila, a tul hunah chuan kan la tangrual thei hle a ni. Kan Mizo nuna “sem sem dam dam ei bil thi thi," tih leh "Dam leh tlang khatah, thih leh ruam khatah" kan tih te hi a tul hunah chuan kan la nunpui thei hle niin a lang. Chuvangin eng harsatna pawh hmachhawn ila, zam lovin kan pal tlang leh mai thin a ni.
Kan thenawm ram Myanmar leh Bangladesh ramchhung buaina te leh thenawm state Manipur buaina avanga kan Zohnahthlak unaute tawrhnate kan tuarpuiin kan lainat tak zet a.Kan phak tawkin an tan ke pawh kan pen ve mek a ni. Kan thenawm ram leh state chhunga buaina te hian Democracy rama chen leh state ralmuanga khawsak hlutzia hi min hriat nawn tir fo se ka duh hle mai. Chuvangin vawiin atangin khua leh tui tha ni chhunzawm zel tur leh kan ram inpumkhatna vawng nung zel turin mitin i inhlan thar leh theuh ang u.
Lunglei district hmasawn nana kawng hrang hranga thawktu zawng zawngte duhsakna leh zahna chibai ka buk che u a. Kum 2022-2023 chhunga department hrang hrang kaltlanga Sawrkarin Lunglei district hmasawn nana a hmalakna hrang hrang te ka han tarlang ang e —
I. ENVIRONMENT, FOREST AND CLIMATE CHANGE DEPARTMENT-
Lunglei District chuan kangmei venna leh tihziaawmna lama thawk tha chawimawina State Level Fire Prevention Award, 2023 a dawng. Forest Department-a thawk te, NGO leh mipui thawhhona a lawmawm hle a ni.
Green Mizoram Day, 2023 khan thing tiak 295 phun a ni.
Lunglei District chhunga Ram 471.6 hectares a zau ah ramngaw siam that hna thawh a ni.
II. INTEGRATED ANIMAL HUSBANDRY & VETERINARY TRAINING INSTITUTE, LUNGPUIZAWL, LUNGLEI –
A: Cattle Breeding Farm-ah hian bawnghnute 9719 Litres hmuhchhuah a ni a. Sawrkar a revenue thehluh zat chu Rs 4,47,355/- a ni.
B: Calf Rearing Centre-ah hian Bawng no chu tual chhung loneitute hnena tangin lei a ni a, No pai thei an nih hunah loneitu harsa zawkte hnenah man tlawmzawka hralh thin a ni. Sawrkar a revenue thehluhzat chu Rs 58,000/- a ni.
C: Piggery Farm-ah hian vawk 12 kawl mek a ni a, Sawrkar a revenue thehluh zat chu Rs 15,000/- a ni.
D: Zovawk Farm-ah hian vawk 12 kawl mek a ni bawk.
E: Satellite Boar Semen-ah hian boar 2 kawlmek a ni a, a chi hi dose 84 hralh tawh a ni. Sawrkar a revenue thehluh zat chu Rs 2,000/- a ni.
F: Hatchery-Cum-Poultry Broiler Farm: Unit chhungah hian ar in 3 a awm a, air-conditioner vuah vek a ni. Chutah chuan artui 5000 leng Hatchery pawh a tel a ni. August 2022 – June,2023 chhunga artui awpkeu zat hi 18,500 niin, ar note hralhna atang in Rs 7,38,805/- hmuh a ni.
G :Integrated Animal Husbandry & Veterinary Training Institute-ah hian 2022-2024 Session atan zirlai 26 an awm mek.
III. SAMAGRASHIKSHA LUNGLEI DISTRICT –
A. PM POSHAN (Mid Day Meal)- Primary School leh Middle School 438 awmin naupang 22,951 an awm a ni.
B. Civil Works:
School Building sak thar mek:
Lungsen Higher Secondary School building: 23rd November 2022-ah sak tan a ni a, 23rd November 2024-ah sak zawh hman beisei a ni.
Govt Higher Secondary School, Lunglei: 3rd July 2023-ah sak tan a ni a, 3rd July 2025-ah sak zawh hman beisei a ni.
Building sak zawh tawh: DIET Academic Building, 23rd February 2022 a sak tan chu 22nd June 2023-ah sak zawh a ni a, 11th July 2023 khan hawn a ni.
Samagra Shiksha, Lunglei District hnuaiah Minor Works 141 a awm a. Work Order hi 26th September 2022 a release niin hna hi thawh mek a ni.
C. Special Training:
Samagra Shiksha, Lunglei District hnuaiah Educationally Backward Block (EBB) tan a thlawna Special training pek thin a ni. Chung te chu :-
a) Residential Special Training Centre (RSTC) - 8
b) Non- Residential Special Training Centre (NRSTC) - 3
c) Kasturba Gandhi BalikaVidyalya (KGBV) Hostel -2
d) NetajiSubhash Chandra Bose AwasiyaVidyalaya (NSCBAV) Girls Hostel - 1
Lunglei District chhunga School 107-ah hmeichhe naupangte chu Self Defence Training pek an ni.
D. Text Book Leh Uniform A Thlawnin Sem:
Samagra Shiksha, Lunglei District hnuaiah hian Primary leh Middle School zirlai 18,238 hnenah a thlawnin Textbook sem a ni a, Library bu 13,422 sem a ni bawk. Zirlai 13,011 hnenah a thlawnin Uniform sem a ni bawk.
E. School Management Committee (SMC)/ School Management and Developments Committee (SMDC)chungchanga Training 2022 -2023:
Samagra Shiksha Lunglei District chuan September – December 2022 inkar khan School Management Committee (SMC) / School Management and Developments Committee (SMDC)training chu Lunglei khaw pawn hmun hrang hrangah 10 leh Lunglei khawpui chhungah vawi 3 a buatsaih a. Training atan hian Rs 8,90,041/- hman a ni.
F. Infiamna Leh Physical Education:
State Level Sport Association leh SamagraShiksha, Mizoram tangkawpin Elementary level-ah Grassroot Level Sport Development Programme (GSDP) kalpui a ni. Lunglei District chhunga zirna in thlan bik hrang hrangah Football, Badminton, Weighlifting leh Hockey training neih a ni.
G. NIPUN BHARAT hlawhtlinna:
Ministry of Education chuan NIPUN (National Initiative for Proficiency in Reading with Understanding and Numeracy) Bharat Scheme a tlangzarh. He programme hian a tum chu kum 3 -9 inkar naupangte zirlai mamawh phuhruk a ni. NIPUN BHARAT programme hnuaiah PS Schools, Bazar hmun leh kawngpuisirah Banner leh Poster tar a ni. Tin, district chhunga khaw hrang hrangah awareness programme engemawzat neih a ni bawk.
Heng bakah hian High School 7 leh Higher Secondary School 1-ah Vocational Education (VE) kalpui a ni tawh a, heng school-ah hian trade hrang hrang Information Technology(IT) leh Information Technology enabled Services (ITeS), Health Care, Beauty & Wellness leh Agriculture training pek a ni.
IV. SUPERINTENDENT OF POLICE-
Police te hian rim takin hna an thawk a. Kum 2022-23 chhungin Lunglei District-ah case 246 ziah luh niin police station leh police outpost thawktute chuan foot leh mobile patrolling an nei thin a ni.
Reporting period chhung hian Lunglei Police ten ruihhlo (heroin No.4 ) 5.367 kg an man a, international market-a a hlutna chu Rs 26,83,50,000/- a ni.
Lunglei PS-ah Family Counseling Centre siam niin District chhung khua/veng 61-ah Village Defense Parties din a ni bawk.
School 14-ah Legal Awareness (Protection of Children from Sexual Offences (POCSO) Act, Cigarettes and Other Tobacco Products (COTP) Act, MV Act, Drug abuse etc) Campaign neih a ni a, Zirlai leh Zirtirtu 2400 chuang an tel a ni. Ruihhlo tawlhruk dona atana Signature Campaign neih a ni.
Lunglei High Powered Committee atanga sum hmuh hmangin Lunglei Police Station building (ground floor) siam that hna chu hlawhtling taka zawhfel a ni.
V. AGRICULTURE DEPARTMENT-
Rainfed Area Development hnuaiah khaw 4 –Hmawngva, De(Sertlangpui), Mualcheng S leh Kangfimah te loneitute sum lakluh tihpun nan tanpuina hrang hrang pek niin loneituten hlawhtling takin hma an la a ni.
National Food Security Mission hnuaiah buhfai, dal leh Vaimimchin te hralh chhuahna atangin Rs. 21.685 lakh man hu thawhchhuah a ni.
Mizo hmarcha chingtute tan training buatsaih a ni a, khaw 13-ah hlawhtling tak a neih a ni.
Green-Ag project hnuaiah Animal Husbandry & Veterinary department nen tangkawpin khaw hrang hrangah Rainbow Rooster leh Moringa chi sem chhuah a ni.
Green–Ag hnuaiah vek Environment, Forest and Climate Change department nen tangkawpin khaw 17-ah thing 2317 phun a ni.
RKVY scheme hmanga Loneitute tharchhuah hralhchhuahna tur Market building Kikawna sak mek chu 90% vel zawh tawh a ni bawk.
NABARD hnuaia RIDF scheme atangin ‘Construction of fresh Agriculture Link Road at Tarmita Road’ chu siam a ni a. Loneitute leh huanthlai siama he kawng zawhtute tan chhenfakawm tak tura hma lak mek a ni.
Mizo hmarchate thawnchhuah :
14th March 2023 khan Nevada, USA a thawn tur Mizo hmarchate ro 7.5 MT Haulawng atangin a vailiam a ni a. Truck hian Vishakapatnam, Andhra Pradesh thleng phur in chuta tang chuan United States of America lama kalpui leh tur a ni. Heng Mizo hmarchate thawn chhuahte hi Organic test paltlang vek ani.
Hmarchate hi Mission Organic Mizoram(MOM) kaltlanga International Competence Centre for Organic Agriculture(ICCOA) in a enkawl Farmers Producer Company(FPC) 12 atanga lakkhawm a ni a. Lunglei District atangin FPC 3, Lawngtlai District atangin FPC 6 leh Siaha District atangin FPC 3 te an ni.
Lunglei District atangin 3.9 MT, Siaha District atangin 2.1 MT leh Lawngtlai District atangin 1.5MT te lakkhawm a ni.
National Bank for Agriculture and Rural Development (NABARD) – Warehouse Infrastructure Fund (WIF) hnuaiah Warehouse sak a ni-
1. Lunglei Agriculture Block hnuaiah Warehouse siam mek a ni a. 95% zet hna zawh fel tawh a ni. Sum ruahman zawng zawng – Rs. 2,50,00,000/- niin Warehouse hi chhawng 4 a sak a ni.
2. Lungsen leh Tlabungah te Warehouse sak a ni bawk a. Sum ruahman zawng zawng chu Rs. 75,00,000/- ve ve niin heng warehouse-te hi thlai thar leh bungraw pawimawh dah thatna tura ruahman a ni.
VI. IRRIGATION & WATER RESOURCES DEPARTMENT LUNGLEI DIVISION-
Irrigation& Water Resources Department, Lunglei Division hmalakna in Southern Data Centre chu National Hydrology Project hnuaiah October Ni 19, 2022 khan Lunglei Chanmari-ah hawn a ni a. Cheng Vaibelchhe 2.5 senga sak a ni.
June Ni 9, 2023 khan Zaupui Ground Water Irrigation Project chu S. Vanlaiphaiah hawn a ni a, he project hi cheng vaibelchhe 2.54 senga din a ni.
Tunah hian Lunglei District-ah Minor Irrigation Project 51 thawh zawh tawh niin, heng project te hian ram hectare 1,858-ah thlai chawmna tui min pe dawn a ni.
Tun dinhmunah PMKSY hmangin Minor Irrigation project 6 kalpui mek a ni a, heng project te hi thawh zawh a nih hunah chuan Lunglei District chhunga ram hectare 311.70 ah thlai chawmna irrigation kan neih belh ang a, loneitu chhungkaw 181 tan ngelnghet zawka eizawnna a siamsak thei dawn a ni.
PMKSY (HKKP) hnuaiah hian Ground Water Irrigation project kalpui mek a ni bawk a, ram hectare 30 tan ruahmanna a kal mek a. Tin, NABARD (RIDF) hnuaiah pawh ram hectare 80 tuam turin project kalpui mek a ni bawk.
PMKSY leh NABARD hnuaiah Irrigation project thar propose mek 6(paruk) kan nei leh mek bawk a ni.
National Hydrology Project (NHP) hnuaiah water quality, location of water bodies leh determination of flood level te kalpui mek a ni bawk a. Tunah hian Tlawng, Pialthleng, De, Khawthlang Tuipui leh Phairuang luiah te NHP project hi kalpui mek niin, Lunglei District-ah hian khaw parukah Rain Guage leh Automatic Weather Station dah a ni tawh bawk.
VII. DISTRICT PROGRAMME OFFICE,WOMEN AND CHILD DEVELOPMENT-
Lunglei District Programme Office hnuaiah hian Integrated Child Development Services (ICDS) project 4 awm in chungte chu-Hnahthial, Lunglei, Lungsen leh Bunghmun Integrated Child Development Services (ICDS)Project te an ni.
Heng ICDS 4 hnuaiah hian Anganwadi Center 418 awmin,Pre-school beneficiary 7,992 an awm a,naupang kum 3 hnuailam beneficiary7,242 awmin, Naupai 877 leh Nu hnutetui pe lai 628,an vaiin beneficiary 17,346 enkawl mek an ni. Ei leh in lama harsatna sutkian nan Anganwadi Center-ah Nutri-Garden neih a ni a. 2022-2023 chhung khan Lunglei Integrated Child Development Services (ICDS)Project hnuaiah Serte Anganwadi Centre(AWC)-I chuan best Nutri-Garden Award 2nd prize a dawng nghe nghe a ni.
VIII. DISTRICT INDUSTRIES CENTRE, LUNGLEI–
PMEGP (Prime Minister Employment Guarantee Programme)- Loan diltu mi 139 atangin, mi 40 tan Sanction niin, Loan semchhuah hi Rs 342.9 lakh a ni.
Commerce & Industries Department hnuaiah Socio-Economic Development Programme (SEDP) tanpuina Beneficiaries 1755 hnenah Rs 8,77,50,000/- pek a ni.
District Industries Centre hnuaiah Manufacturing leh Servicing-ah mi 1500 Register tawh an ni.
IX. CHIEF MEDICAL OFFICER LUNGLEI DISTRICT –
August 2022 - July 2023 chhung hian Nau piang 2684 awmin, In lama nauchhar 504 an awm bawk a. Kum 2022 -2023 chhung khan Staff quarters leh Sub-Centre atan Building 13 sakzawh a ni.
X. DISTRICT SERICULTURE DEPARTMENT LUNGLEI DISTRICT-
High Powered Committee hnuaiah Eri Development Scheme mi 10 tan kalpui a ni tawh a. Heng mite hian hma tha taka lain Cocoon Production pawh an nei chho mek a ni. Tin, hemi hnuah hian Eri Seed Development Scheme hi mi 10 tan kalpui leh niin a hmunhma siamna leh pangngang in sakna tur atan 1stInstallment pek an ni a, tunah hian hma an la chho mek a ni.
Hma la tura thlanchhuahte hi a remchan dan angin a hmunhma buatsaih dan leh pangngang vulh dan turte zirtirna pek an ni tawh.
Central Sector Scheme hnuaiah hian Silk Samagra-2 Project Beneficiary 84 thlanchhuah ten pangangkhawi tur leh a chi (Seed) buaipui tura hmalak mek a ni a, an hmalakna atang hian Cocoon leh pangngang chi thaDisease Free Laying Seed (DFLS) engemaw zat an tharchhuak tawh a ni.
XI. PUBLIC WORKS DEPARTMENT-
PMGSY hnuaiah hian Kawng 7 (Pasarih) awmin chung zingah chuan Kawng 4 (Pali) thawh zawh tawh a ni a, chungte chu:-
1) Marpara – Laisawral Road ( 0.00 – 14.710)Kmp
2) Bunghmun – Sesawm Road ( 0.00 – 10.570) Kmp
3) Mauzam – New Sachan (0.00-15.460)Kmp
4) Thuampui – Lungchem( 0.00 – 40.900)Kmp
Tun dinhmun a hnathawh mek kawng 3(pathum) a awm a, an dinhmun hetiang hi a ni.
1) Bunghmun – Sachan( 0.00 – 9.07)Kmp - 56%
2) Sachan – Sumasumi (0.00 – 24.09)Kmp - 50%
3) Sumasumi – Tuikawi (0.00- 19.22)Kmp - 35%
NABARD :- NABARD ah hian Kawng 1 (pakhat) awmin Improvement of Thuampui ‘S’ – S.Lungdai-Serte-Sertlangpui Road (27.00Km) chu kalpui mek a ni.
NEDP :-NEDP ah Improvement of Buarpui – Bunghmun Road (65.00 -79.00)Kmp chu 74% tawh zawh tawh a ni.
SASCI :-SASCI-ah hian kawng 5 (Panga) a awm a, chumi zingah chuan Strenthening and Resurfacing of Aizawl- Thenzawl-Lunglei Road from 160.00 -164.00 Kmp (Kikawn – AOC veng Lunglei) chu zawh a ni tawh bawk.
Tun dinhmunah hnathawh mek kawng pali a awm a, an dinhmun chu hetiang hi a ni.
Improvement of Chanmari - Electric Veng - Ramthar Veng at Lunglei District in Mizoram for the year 2022 - 2023 under SASCI, Length 9.000kms chu 58% zawh tawh a ni.
Improvement of Tlabung Road - Thuamluaia Mual - College Veng - Rahsi Veng chu kum 2022 - 2023 chhungin SASCI hnuaiahj 11.500kms chu 99% thawh zawh tawh a ni.
Working estimate for construction of RCC Pavement and Culverts from Bunghmun –Thenhlum – Lungchem chu kum 2022-2023 chhungin SASCI hnuaiah 59% thawh zawh tawh a ni.
Construction of Pavement on Approach Road to Pialthleng at Lunglei District pawh hna tan tawh niin tunah hian 7% zawh tawh a ni.
Tin, tun furpui a zawh hunah hian kawngpui siam hna hrang hrang tan leh thei turin sawrkar chuan ruahmanna a nei nual bawk a. Chungte chu-
PMGSY-III hnuaiah Saizaikawn to Buarpui resurfacing tih a ni ang a, Black topping tha tak nena hma lak tum a ni. Hemi bakah hian Phairuangkai to Thenhlum leh Saizaikawn to Buarpui chu PMGSY-III ah dah tel niin tun thal-ah hian tender tum a ni.
SASCI hnuaia Chhumliamkawn to Putlungasih siam nan Cheng Vaibelchhe 9 ruahman a ni bawk a. Hei hi Central lamah thehluh a ni tawh a ni.
NESIDS hnuaiah Buarpui to Thenhlum kawng siam chu ruahmanna kaltir mek a ni a. Concept paper pawh peihfel tawh niin hmalakna kalpui mek a ni.
XII. DISTRICT COOPERATION DEPARTMENT –
Tunah hian District Cooperative Officer, Lunglei District hnuaiah Primary Level Cooperative Society 240 in register an awm mek a. Heng Cooperative Society-te hian sumdawnna hrang hrang khawihin, chungte chu loneih, vawk vulh, kut hnathawh, ar vulh, canteen service, small scale industry, credit leh loan service, sangha man, ran talh, bawnghnute atanga siam product hralhchhuah te an ni. District (secondary) Level Cooperative Societies 2 a awm a,pakhat chu Lunglei District Cooperative Union niin Primary Level Cooperative Society-te tan Cooperative training leh zirtirna an kalpui a; a pahnihna chu Lunglei District Milk Producers Cooperative Union Limited a ni a, Lunglei District chhungah dairy product siam leh hralh chhuah hna an thawk a ni.
Department hian a thawhhnihna atanVan Dhan Vikas Kendra Cluster (VDVKC) thar 27 a din tawh a, Tribal Co-Operative Marketing Development Federation of India Limited (TRIFED)in a pawmpui tawh bawk. Thuneitute hnen atang sum pek chhuah hun hi Department chuan a nghak mek a ni. Tin, a thawhthumna kalpui tura implementing agency in a ngen angin Kendras (Cooperative Societies) thar 14 hming thlan chhuah niin; State Implementing Agency pawmpui tura thawn a ni tawh bawk.
Primary level Cooperative Societies 240 register tawhte hian Lunglei District leh Hnahthial District chhunga khaw tam zawk ah hma an la a ni.
XIII.DISTRICT SPORTS & YOUTH OFFICE, LUNGLEI-
Infiamna lamah pawh Lunglei District chuan hma kan sawn zel a. Kum 2022-23 chhung khan hlawhtlinna chhinchhiah tlak tak tak kan nei a, chungte chu-
Khelo India Youth Games 2022 Panchkula (Haryana) a neihah Jeho Himnakulhpuingheta chuan Table Tennis-ah Mizoram tan Gold Medal a la a ni.
36th National Games 2022 : Gandhinagar, Gujarat-ah Malsawmtluanga’n Boxing-ah Silver Medal a la.
North East Olympic : Shillong, Meghalaya-a neihah hetiang hian Result neih a ni.
Taekwondo : -
(1) LalrinnghetiSailo - Silver Medal
(2) H.Lalremruata - Bronze Medal.
Boxing : -
(1) Lalnunzira - Silver Medal.
(2)Lalnunpuia - Silver Medal.
(3)Lalremsiami - Bronze Medal.
Lalhruaitluanga, SAI Extension Centre, Lunglei chuan Khelo India-ah Bronze Medal a la bawk a ni.
XIV.SAINIK WELFARE & RESETTLEMENT, LUNGLEI-
District Sainik Welfare & Resettlement Office, Lunglei hnuaiah World War-II Veteran mi 2 tehnenahthlatin Rs 2400/- pek an ni a. Tin, War veteran nupui(widow) mi 67 te hnenah thlatin Rs 2,000/- sem thin a ni.
Ex-Servicemen pension la lo, kum 65 tling tawh mi 30 te hnenah tanpuina(Penury Grant) 2022-2023 atan Rs 48,000/- theuh pek an ni.
Ex-Servicemen Contributory Health Scheme hnuaiah Ex-Servicemen te tan Polyclinic changtlung taka awm a. Hetah hian medical coverage kimchang (treatment, reimbursement, etc) a thlawnin pek a ni.
XV.DEPARTMENT OF COMMERCE &INDUSTRIES(COMMERCE WING), LUNGLEI-
Lunglei Market & Trade Centre (Super Market) ṭhiah leh sakṭhat a nih avangin Commerce & Industries (Commerce Wing) chuan hmun remchang dangah zuartute ṭhutna/stall ruahman chungchangah a tul angin hma an la a. Heng project te hi North Eastern Council (NEC)-in a pawmpui tawh a, project senso hi Rs.1,403.40 Lakhs a ni. Building sak leh ṭhiah hna hi Public Works Department (PWD), Mizoram kutah hlan a ni tawh a, Public Works Department (PWD) enkawlna hnuaiah hnathawh mek a ni.
Indo-Bangladesh ramri insumdawntawnna:- Integrated Check Post, Kawrpuichhuah-ah fencing siam zawh a ni tawh a, building sakna tur Detail Project Report pawh thehluh a ni tawh bawk.
XVI. DISTRICT TRANSPORT OFFICE-
Mizoram State Transport(MST) service leh chhiah dang dang atangin cheng 2,30,91,732/- hmuh a ni.
Kum 2022-23 chhungin lirthei 2192 register niin, driving license 1697, learners license 4028 leh conductor license 1 pekchhuah a ni.
XVII. DISTRICT ART & CULTURE OFFICE-
Hnam lam, hla leh rimawi humhalh leh tihlar nan ni 17 March, 2023 khan Lungsen-ah Cultural Meet programme hlawhtling tak buatsaih a ni.
International Museum Day chu 18.5.2023 khan District Museum, Lungleiah hman niin kar khat chhung a thlawna Museum luh theihin a lawmna hun hman a ni.
Public Library Day ni 22.5.2023 khan District Library, Lungleiah hman a ni a, Membership fee a thlawna pek chhuah a ni.
Cultural troupe, Lunglei member 16 te chu North East Zone Cultural Centre(NEZCC)’s Border Areas Program-a tel tura tirh an ni a, ni 25-28.4.2023 chhung khan Manipur State-a Kamjong, Bongpa leh Grihang-ah an lam a ni.
Ni 6.2.2023- 22.3.2023 chhung khan Lungleiah Hnam lam zirna ‘Certificate Course of training in traditional dance’ neih a ni a, Trainee mi 15 chuan hlawhtling takin training an nei a ni.
XVIII. LUNGLEI POWER CIRCLE, POWER & ELECTRICITY DEPARTMENT-
25MVA, 132 kV Transformer pahnih leh a tihnunna tur 132 KV Bay, Khawiva Sub-Station-ah siam thar a niin Commission tura buatsaih mek a ni.
NH-54 kawng laih zauh avanga electric ban leh hrui sawn (Utility Shifting) hna chu zawh fel tawh a ni.
NH-302 kawng laih zauh avanga electric ban leh hrui sawn (Utility Shifting) chu 99% thawh zawh tawh a ni.
Revenue hmuh zat hi Rs. 43,04,48,609.00 a ni.
XIX. MIZORAM KVI BOARD-
Prime Minister Employment Generation Programme (PMEGP) hnuaiah Cheng nuai 323.50 man Project thar 37sanction a ni a, subsidy atan Rs.113.23 lakhs dah tel a ni.
Small industry unit 37 siam a ni a, heng te hmang hian thingtlang thalai mi 300 tan hna siam a ni.
Hmeichhia 15 tan Tailoring training short course neih a ni.
XX. HORTICULTURE DEPARTMENT-
Mission for Integrated Development of Horticulture (MIDH) hnuaiah Lunglei, Lungsen leh Bunghmunah te Thingfanghma, Serthlum, Aieng leh Dawnfawh chin punna turin ‘Area Expansion scheme’ kalpui a ni.
Socio-Economic Development Programme (SEDP)kaltlanga mau chin (Bamboo Development) project-ah beneficiary mi 300 hnenah Direct Benefit Transfer (DBT)hmangin an Account-ah pawisa pek fel vek tawh an ni.
XXI.DISTRICT TREASURY OFFICE LUNGLEI-
Integrated Financial Management and Information System (IFMIS) project hnuaiah Mizoram sawrkarhnuaia thawktute indawrtawnna leh sum leh pai leh service record dahkhawmna zawng zawng digitize vek a ni.
August 2022 atanga June 2023 chhung khan DDO 80 ten District Treasury Lunglei kaltlangin State Consolidated Fund-ah chengvaibelchhe 11.3 vel an dah lut tawh a ni.
Pensioner 4000 awmin District Treasury Lunglei atangin thla tin pension an la thin.
XXII.URBAN DEVELOPMENT AND POVERTY ALLEVIATION DEPARTMENT-
National Urban Livelihood Mission (NULM) hnuai a Skills Training Trade 2-ah mi 120 training pekan ni.
Self Help Group (SHG) 8 din belh a ni.
Swachh Bharat Missionhnuaiah Mizoram khawpuifai inelnaah Lunglei khawpui chu District Headquarter faiber dawttu (2nd rank in category-II)ah thlan a nih bakah Swachh Survekshan, 2022 - Clean City in North East zone leh Indian Swachhta League, 2022-ah Best City Award pek a ni.
Beneficiary 590 te hnenah Individual Household Latrine IHHL (Ek in saktanpuina) 1st installment Rs. 6,000/- theuh pek an ni.
Housing for All hnuaiah insaktanpuina diltu mirethei chhungkua 1470 te hnenah tanpuina Rs. 1,50,000/-theuh pekchhuah a ni a.
Tlabung town-ah chhungkaw 589 te hnenah insak tanpuina pek a ni.
XXIII. PUBLIC HEALTH ENGINEERING DEPARTMENT-
Rural WATSAN Division-Khaw 98 achenna in 13,142-ah Solar Pumping leh Gravity scheme kaltlangin tui connection 11,149 dah tawh a ni.
Lunglei Water Supply Maintenance Division- Improvement of Greater Lunglei Water Supply Scheme, Vanhne WSS (Retrofitting), Thuampui WSS (Retrofitting) te thawh zawh tawh a ni a. Tlawng hnar Recharging Damsak hna thawh mek a ni.
XXIV.TAXATION DEPARTMENT, LUNGLEI-
August, 2022 - June, 2023 chhungin Taxation Department chuan Lunglei District atanga Revenue a hmuh te chu- Goods and Services Tax (GST) atangin Rs. 5,55,01,383/-, Profession Tax atangin Rs. 2,12,83,630/- , Mizoram Value Added Tax (MVAT) atangin Rs.2,85,94,754/-, Entertainment Tax atangin Rs. 28,000/- a ni a. A vai a revenue hmuh zat hi Rs. 10, 54,07,767/- a ni.
XXV. LAND REVENUE & SETTLEMENT DEPARTMENT –
Lunglei –Tlabung Road (NH302) siamna-ah Package A & B hnuaia chhungkaw 716 hnenah Rs. 69,18,14,708/- compensation semchhuah a ni.
National Highway-54 zauhna atan chhungkaw 397 hnenah Rs. 5,94,32,500/- compensation semchhuah a ni.
Kum 2022-23 chhungin Land Revenue and Settlement Department Lunglei atangin Sawrkarah revenue Rs.1,19,57,160/- chhunluh a ni.
He hun pawimawh tak kan hman mek lai hian Lunglei District mipuite tana Sawrkar hmalakna tlangpui leh hlawhtlinna hrang hrangte kan han tarlang a ni a. Sawrkar hmalakna reng rengah hian a hlawhtlinna hi thawktute leh mipuite kutah a in nghat thui em em a. Vawiina kan han tarlan te pawh hi thawktute inpekna leh Lunglei District mipuiten Sawrkar kan thlawp thatna avanga hlawhtling a ni tih ka sawi duh a. Sawrkar aiawhin in chungah lawmthu ka sawi a ni. Mizoram ralmuanna boruak vawnghim tura mipui vantlang, Kohhran-te, media-te leh tlawmngai pawl hrang hrangte inpekna a fakawm tak zet a.
Vawiin ni pawimawh tak, India Independence Day champha vawi 76-na hi kan ram tan, Lunglei District tan, bul kan tan thar na ni lo ni se. He Ni lawmna ti hlawhtling tura helaia lo kalkhawm zawng zawngte leh in lama lo thlirtute Independence Day Chibai ka buk nawn leh a che u.
India ram leh Mizoram in hma a sawn zel theih nan theihtawp chhuaha thawk zel turin inhlan thar leh ang u.
Pathianin India ram leh kan state Mizoram malsawm rawh se.
KA LAWM E
