Vawiin chawhma dar 11:00Am khan D.C’s Conference Room-ah kumin India Independence Day-2017 lawm dan tur ngaihtuahin District Bawrhsap Smt. Harleen Kaur IAS hovin meeting neih a ni. 

He Ni lawmna hi District Playground, Siaha Vaihpi ah neih a ni ang a, he Ni lawmna pual hian  District Jail, Hnuchham In leh Damdawi In hrang hrang-ah te thilpek hlanna neih a ni bawk dawn a ni. Zing dar 6:00Am ah Zirna In leh Sawrkar Pisa hrang hrang bakah Sawrkar Quarter ah te Hnampuanzar zar a ni ang a, zing dar 9:00 ah Parade Contingents te leh mipuite chu District Playground thleng kim vek tura beisei kan ni. Zing dar 10:15Am ah Khuallian in Hnampuanzar pawtparh in Hnam Hla ECM Higher Secondary School naupang ten an sa nghal ang a, Khuallian in Independence Day thuchah a sawi hnu-ah Parade Contingents te Chibai a chhanglet ang. Chawhnu dar 1:00Pm ah sawmbikte puala Thingpui in hona ‘At Home’ chu C.E.M., MADC Bungalow ah neih a ni dawn a ni. India Independence Day lawmna pual hian Football leh Badminton te a intihlimna buatsaih tum a ni a, hemi chungchang  hi Sub-Committee in tha a tih angin ruahmanna lo siam mai turin vawiin meeting chuan a rel a ni.  Kumin Independence Day lawmna ah hian Parade Contingents- Uniform Contingents paruk leh School Contingents sawm leh pahnih te tel thei tura beisei an ni a,  Kumin India Independence Day lawmna a Khuallian tur hi Mizoram Sawrkar lam ruahman tur a tih a ni. 

He meeting ah hian Department hrang hrang hotute, Tlawmngaipawl hrang hrang hruaitute leh Chanchin thar thehdarh tute an tel kim hle a ni.