Vawiin chawhma dar 11:00 khan D.C Conference Hall, Mamit-ah India Independence Day 2017 Mamit-a hman dan tur relin  Pu H. Lianzela, Addl D.C Mamit kaihruaina in thutkhawm a ni.

Vawiin Meeting hian India Independence Day 2017 chu GSA Playground ah Chawhma dar 11:00 ah hman ni se tih a ni a, hnam puanzar pawtpharh turin Sorkar lam a tanga ruat chu lawm taka pawm ni se Committee hian a ti a, 

India Independence Day pual hian Parade contingents 18 tel thei tura beisei an ni a, MZP Pipe band te rokhawlna avanga tihtawp ni chu hemi ni atan hian lo intuaithar leh turin Committee hian a ngen bawk a ni.  Mamit khawpui chhunga kohhran hrang hrangte chu ram hruaitute tana tawngtai tura ngen ni se tih a ni a, zing ni chhuah rualin Sorkar Building ah leh mimal inah hnam puanzar zar vek ni se tih niin, Sawmbikte pualin D.C Office tualzawlah At Home buatsaih ni se tih a ni bawk.

Meeting-ah hian Sorkar Department hrang hrangte chu mawhphurhna hrang hrangte inpek a ni a, Pu H. Lianzela Addl D.C Mamit chuan Department hrang hrang ten kan mawhphurhna theuhte tihlawhtling tura theihtawp chhuah turin a sawm a ni.

Independence Day 2017 lawmna pual hian Football, Volleyball leh Badminton Tournament te buatsaih ni se tih a ni bawk.

Meeting-ah hian Mamit khawpui chhunga Sorkar Department hrang hrang, Tlawmngai Pawl hrang hrang YMA, MZP, MHIP, MUP leh  khawtlang hruaitu aiawhte leh MJA  aiawhte an tel a ni.

Attachment

• Loading attachment...