Independence Day vawi-69 na chu Saiha-ah ropui tak a lawm a ni a. UD&PA Minister Pu Zodintluanga’n khuallian niin, he Independence Day lawmna hi a hmanpui a ni.

Minister Pu Zodintluanga chuan Independence Day thuchah sawiin: India ram hi khawvela democracy ram lian ber, hnam chi hrang hrang, Sakhaw hrang hrang zuitute leh culture hrang hrang nei mi chi hrang hrang awm kan ni a. India ram chakna thuruk chu mi chi hrang hrang leh culture hrang hrang neih ten rem taka kan awmkhawm hi a ni a, a ti.

Kum 1990 hnuah India ram economy sukthlek tihdanglam a ni a, Liberalisation policy vuana, khawvel ram economy lian berte zingah a in hlan kai theih tak avang hian Khawthlang ram te pawh in India ram hi an thlir thup mai a ni, a ti a. Mizoram chu zofa zawng zawngte tan kan Jerusalem a ni a, Khawvel khawi hmunah pawh awm i la, zofa te chuan zofa kan ni tih hi i hre reng ang u, a ti bawk.

NLUP hnuaiah chhungkaw 90,193 in tanpuina an dawng tawh a, Chhungkaw 44,861 dangin an dawn lehna tur pawh peihfel tep tawh a ni, a ti.

Nimin lama Saiha Sports Complex hmun tur ena an hruai pawh a a zep tlat, Saiha Sports Complex puitling sakna tur DPR Cheng vaibeichhe 24.46 chu Pu Zodintluanga chuan vawiin Independence Day thuchah a sawina ah a puang.Chawhnu dar 1 khan CEM, MADC Bungalow-ah VIP At Home neih a ni.

Vawiin Independence Day lawmnaah hian Parade Contingents 16 an awm a, uniform -6 leh schools-10 te an ni a. Uniform atang hian MRHG ten lawman 1-na an la a, School atangin Little Diamond school ten Pakhatna lawmman an la ve thung a ni. Independence day pual hian Football, Badminton, Chess, Volley Ball mipa leh hmeichhia-ah te intihsiakna neih a ni a, Lawmman atan Trophy, tangkafai leh Certificate te pek an ni. Football Final Match hi Minister in football petin tlai 2:00PM-ah a kick- off a ni.