Kumin 2010 India Independence Day Mamit a hman dan tur vawiin khan D.C. Conference Hall, Mamit ah Pu Zothankhuma, IAS, District Bawrhsap Mamit kaihhruaina in rel a ni a.
He meetingah hian kumin India Independence Day chu Pathianni anih avangin zing dar 7:00 ah Mamit GSA Playground ah hman nise, Khuallian atan Chief Minister, Mizoram sawm ni se, kum danga lo tih thin angin Independence Day Football leh Volleyball Tournament, MDFA kaihhruaina in buatsaih leh ni se tih te rel a ni a. VIP at Home zing dar 9:00 ah Tourist Lodge ah buatsaiha chawhlui kil nghal tura rel a ni a, hei bakah hian Ram hruaitute tana tawngtai sakna hun hmang turin Kohhran hrang hrangte ngen ni se tih rel a ni bawk. Independence Day hlawhtling taka lawm anih theihna tura Department hrang hrang hrangte mawhphurhna leh chanvote he meeting ah hian siam nghal a ni. Chhun dar 12:00 ah VIP in Mamit Damdawi In tlawh tura ruahman a ni bawk.
Kumin India Independence Day ah hian Armed Contingent leh School naupang sawmpahnih (12) beisei an ni bawk.
He meeting ah hian Head of Offices, khawtlang hruaitute leh Tlawmngai Pawl hruaitute an tel tha hle a ni.
Kumin India Independence Day ah hian Armed Contingent leh School naupang sawmpahnih (12) beisei an ni bawk.
He meeting ah hian Head of Offices, khawtlang hruaitute leh Tlawmngai Pawl hruaitute an tel tha hle a ni.
