Ni 5th July, 2019- a Mr. Priyank Kanoongo, Chairperson  National Commission for Protection of Child Rights( NCPCR) hova Bench Sitting neihin a lo rel tawh ang leh Dr Lalrozama, Mamit District Bawrhsap hmalakna-in North Tripura Transit Camp paruka Non Residential Special Training Centres ( NRSTCs) 16-ah India Independence Day vawi 73-na Mamit District atangin Sawrkar Officials-te leh Child Protection te'n an hmanpui.

Mamit District atanga Tripura Transit Camp-a Independence Day hmanpui an nih nachhan chu Mizoram khua leh tui, Tripura Transit Camp paruka awm mek te, India-in zalenna a hmuh champha puala duhsakna hlan pah leh India ram zalenna hnuaiah thlamuang taka lo let turin engtiklai pawhin an lo lawm reng a ni tih lantir nan leh Camp hrang hranga khawsa mek naupang te chu he zalenna niah hian hriatreng leh ngaihhlut an nih zia lantirna pakhat atan a ni bawk.

Boruak muanawm tak hnuaia Mizoram Officials te'n Tripura Transit Camp-a Independence Day an hmanpuina-ah hian Tripura Sawrkar atangin zirna lama thawktute'n an tawiawm a ni.

Tripura Transit Camp paruka Mizoram khua leh tui awmte hian Mizoram atanga Independence Day hmanpui tura thawkchhuak zawng zawngte chungah an lawm hle a ni.

Zalenna hmuh vawi 73-na Transit Camp Paruka hmanpui tura Mamit District atanga Officials kalte hi Dr. Lalrinhlua, DCPU, Mamit chuan a ho a ni.