India Independence Day, Vawi 73-na Mamit-a hmannaah Mizorama a hmasa ber turin District Administration, SSA Mamit leh SP Office, Mamit bultuma din Student Police Cadet chuan Contingent pahnih neiin hnam puanzar chibai an buk.

Student Police Cadet, Mamit District Induction Programme hi Ni. 5.8.2019 khan Govt. Mamit High School, Mamit-ah neih a ni a, he induction programme hi Dr. Lalrozama, IAS, DC, Mamit/ Chairman, District level Steering Committee, SPC leh Pu Shashank Jaiswal, IPS, SP Mamit ho a hman a ni.

Student Police Cadet-ah hian High School zirlai naupang 22 leh Middle Section-ah zirlai naupang 22 an vaiin mi 44 lakluhna neih a ni.

Student Police Cadet Programme hi sawrkar laipui Ministry of Home Affairs hmalakna-a India ram puma kalpui mek a ni a. He Student Police Cadet programme-in a tum ber chu zirlai naupangte hnena khua leh tui tha ni tura chher chhuah leh sualna hrang hrang dona kawnga mi tangkai an nih theih nana zirtirna pek te a ni.

Attachment

  • Loading attachment...