Ni 14.11.2018 khan 38th IITF-2018 chu Pragati Maidan, New Delhi-ah ropui taka hawn a ni ta a. He hunah hian Mizoram pawhin Pi. Lalrinkimi pavilion Director leh Official 4(pali)te kaihhruaina hnuaiah stall 14(sawmpali) lai hawn ani a. Chawlhkar khat chhung hi Business week atan hman tur a ni chungin dawrtu pawh  fair hawnni a tang hian an hmu tha tan hle ani. A hawnni ah hian Pu Zothankhuma Commissioner and Secretary, Commerce and Industries Department chuan a hawnna a hman puia, Official leh exhibitor ten an thlmuanpuiin lawmawm an ti hle.
                                 
He hunah hian State hrang hrang 27 leh UT 8 a tang in an rawn in pho chhuak a. Industrial product chi hrang hrang pho chhuah a ni a, a hmuhnawm in mit a tlai a, a ropui hle.
                                 
India International Trade Fair hian thil tum hrang hrang anei a, chung zinga a langsar zual te chu:-

India sorkar in a theihna khawvel mithhmuh a pho chhuah.
Thil siam tuten an mamawh an in pekchhawn theih na tura Business link/Contact zawnna.
Thil siam tura thiamna(Skill) in hlanchhawna hun.
                                
He fair hi November ni 14(sawmpali) a tanga ni 27(sawmhnih pasarih) chhung tur a nih lain Mizoram a tanga kal bik hi ni 23 thleng awma ni 28 Mizoram Election a vote thlak hman tura lo haw hma tura ngaih an ni.