Vawiin khan Lawngtlai DC Conference Hall-ah Lawngtlai District chhunga MLA chuh tum candidate-te chu campaign-na atana an sum hman chhinchhiah leh ziah fel dan tur Assistant Expenditure Observer-te leh Accounting Team-te'n an sawipui a. Candidate, candidate agent, additional agent leh political party ai awhte an tel.

He hunah hian candidate pakhatin inthlan sensova sum a hman theih zat chu Rs nuai sawmhnih (Rs 20 lakh) a ni tih sawi lan a ni a. Campaign leh inthlan kaihhnawiha sum hmanna reng reng felfai zawka chhinchhiah a nih theih dan tur te, a endikna kawngah AEO leh candidate-te inman taka an thawh ho theih dan tur te sawi ho a ni a. Candidate-te sum hman leh AEO record a inmil theih zawkna tura sum hmanna dik taka inhriattir zel a pawimawh thu te, sum hman theih chin aia tam hman a nih chuan candidate tana harsatna a thlen theih avanga fimkhur a tul thu te pawh sawi lan a ni bawk.