2540/2024-2025

Aizawl, the 16th October, 2024: Ni li chhung awh tur India Mobile Congress (IMC) 2024 chu nimin October ni 15,  2024 khan Bharat Mandapam, New Delhi-ah Prime Minister Pu Narendra Modi chuan a hawng a. He hunah hian State IT Minister-te tel tura sawm an nih angin Information & Communication Technology (ICT) Minister Dr. Vanlalthlana chu a tel.

India Mobile Congress hi tum riat (8) hmanna niin, he intawhkhawmah hian telecom company liante, smartphone siamtu company liante, chip siamtu company-te bakah Artificial Intelligence startup-te chuan an thil siam chhuah tharte entirin an pho chhuak a. IMC 2024 bakah hian Prime Minister chuan International Telecommunication Union buatsaih World Telecommunication Standardisation Assembly (WTSA) 2024 chu a hawng nghal bawk a ni.

IMC 2024 ah hian State leh UT-a IT Minister-te chu tel tura sawm niin, October ni 15 atanga ni 18 thleng a awh dawn a ni. He hunah hian sawrkar leh corporate atanga mi thiamte telin Information & Communication Technology (ICT) leh Internet of Things (IoT) thila India theihna leh hmasawnna tur hrang hrang zira sawi ho a ni bawk.

ICT Minister Dr. Vanlalthlana hian IMC 2024 hi nimin October ni 15 ah khan chhimin Central sawrkara mi pawimawhte a dawr chhunzawm a. Ruahman dan chuan October ni 17, 2024 hian a rawn haw ang.