Ministry of Human Resource Development (MHRD), Department of Higher Education, Govt. of India chuan ni 21.06.2012 khan National Monitoring Committee for Education of Scheduled Caste (SCs), Scheduled Tribe (STs) and Persons with Disabilities (PWDs) a din thar a. Pu Kapil Sibal, Union Minister, HRD chu Chairman a ni a. Member atan a India ram state Minister paruk (6) thlan chhuah zingah Pu Lalsawta, Education Minister pawh a tel ve a. North Eastern States atanga he committee a Education Minister tel awm chhun a ni bawk.

Pu Lalsawta bakah hian Mizoram atangin Prof. R. Lalthantluanga, Vice Chancellor, MZU leh Pu T. Sangkunga, President, CYMA te ruat an ni a. Heng bakah hian Mizoram pawn a awm Prof (Dr) Laltluangliana Khiangte (Padma Shree Awardee), Principal, Serampore College (Univ.), Hoogly, West Bengal pawh Committee Member atan a ruat a ni bawk.

He committee ah hian mithiam chi hrang hrang te bakah Speaker (Lok Sabha) in MP pahnih (2) a ruat leh Chairman (Rajya Sabha) in MP pahnih (2) a ruat te member an ni bawk ang. Official member te chu hengte hi an ni : 1) Secretary, Department of Higher Education ; 2) Secretary, Department of School Education & Literacy ; 3) Secretary, Ministry of Social Justice & Empowerment ; 4) Secretary, Ministry of Tribal Affairs ; 5) Chairman, University Grants Commission ; 6) Chairman, All India Council for Technical Education ; 7) Vice Chancellor, National University of Education Planning & Administration ; 8) Economic Adviser, Department of Higher Education, Ministry of Human Resource Development (Member Secretary).

He National Monitoring Committee hi kum thum (3) atan din a ni a. A tihtur te chu zirna kawnga SCs, STs leh PWDs ten hma an sawn theihna tura tan lak te, sorkar thurawn pek thin te, SCs, STs leh PWDs te tan a Ministry a scheme tam tak awm te hi hman tangkai an nih ngei theih nana tan lak te a ni.

Hetiang Committee pawimawh a Mizo pali (4) lai tel pha hi an chhunawmin ram leh hnam tana theihtawpa tan la tura beisei an ni.