Nimin tlai dar 4 khan D C Conference Hall, Keifang tlang ah Champhai District Bawrhsap Pu Sangdingliana, IAS chuan PMJDY a hawng.
India ram Prime Minister, Narendra Damodardas Modi an kumin Independence a a Lo puantawh angin PMJDY ( Pradhan Mantri Jan Dhan Yojona) chu India ram pum ah a ruala hawn a ni a,Delhl ah Prime Minister Pu Narendra Damodardas Modi an a hawng a, chumi rualin Mizoram ah pawh District tin ah District Bawrhsap hova hawn a niin Champhai District ah pawh hemi rual vek hian hawn a ni.
Champhai District Bawrhsap Pu Sangdingliana chuan thu sawiin PMJDY chu mitin tana thu lawmawm leh thiltha anih thu sawiin hetiang programme Prime Minister in a rawn chhawp chhuak chu India ram mipui tana thil tangkai tak leh chhawr nahawm anih ngei a beisel thu sawiin Champhai ah ngei pawh hetiang hawn a ni chu a lawm thu a sawi a.He programme a hlawhtlin nana bawhzul tur leh ngaihven turin mitin thawhpui ah a sawm a, bank account hawn mai bak ah hmang tangkai zui ngei tur in a sawm a ni.
Hawnna inkhawm Pu Pradeep Nandi, Chief Manager, SBI Lead Bank Office, Champhai kaihhruaiah hian zirlai paruk hnenah SBI Bank A/c bu pek an ni. Member dang te pawh in heml kaIhhnawlh thu pawimawh tak tak an sawl bawk a ni.Bank hrang hrang a hotu leh thawktu leh member te an kal tha hle.
Central programme hawn thar PMJDY hi India ram chhungkaw tin atanga pakhat tal in Bank Account an neih vek na tur a ruahman na niin Biometric Enrolment(ADHAAR) nena kalkawp tura ruahman a ni a,ram chhunga Bank zawng zawng te nena thawk hova kalpui tur a ni. He scheme ah hian loan bakah Insurance te, pension scheme te pawh duan nghal vek a niin Mlzorama kalpui dan tur ah chuan thingtlang lam tan Sub-Service Area (SSA) leh khawpui lam tan Urban Ward Area ti a then a niin State level leh District level ah committee din fel tawh a ni. He programme hi phase 2 ah then niin Phase I hian 15th August 2014 - 14th August 2015 a huam ang a, phase II hian 15th August 2015-14th August 2018 thleng a huam dawn a, hemi chhung hian India ram pum tuamchhuah hman beisei a ni. Bank a thawktute chu he policy bawhzui a hna la nghal tur hian hmun hrang hrang ah an feh chhuak nghal a ni.
