Sawrkar laipuia Ministry of Human Resource Development (MHRD) hnuaia National Institutional Ranking Framework (NIRF) chuan tehna hrang hrang hmanga India rama zirna in 3000 chuang atanga zirna in tha a thlanchhuah zingah Mizoram University chu 94-na a ni.
NIRF Ranking 2017 pual hian April ni 10, 2017 khan Rashtrapati Bhavan Culture Centre, President’s Estate, New Delhi-ah zirna in ti tha te chawimawina hun Award Ranking Ceremony hman a ni a, Prof. Lianzela, Vice Chancellor, MZU leh Prof Diwakar Tiwar te an kal a ni. Chawimawina inkhawm ah hian Pu Kewal Kumar Sharma, Secretary, Department of Higher Education, MHRD-in kalkhawmte lawmna thu a sawi hnuah Pu Prakash Javadekar, Union Minister for Human Resource Development chuan thu a sawi a. Pu Pranab Mukherjee Hon’ble President of India chuan NIRF Ranking Report 2017 chu tlangzarhin, zirna in ti tha zual 100-te hnenah lawmman a hlan nghal bawk a ni. Pu R. Subrahmanyam, Additional Seceretary, MHRD chuan lawmthu sawiin hun tawp a khar a ni.
India hmarchhak bial atangin zirna in ti tha lawmman dawng pha chin 6 an awm a. Hengte hi an ni:
|
Sl No |
Institute Hming |
Est. Year (Tan kum) |
Khua |
State |
Score hmuh zat |
Rank |
|
1 |
Indian Institute of Technology |
1994 |
Guwahati |
Assam |
60.37 |
8 |
|
2 |
Gauhati University |
1948 |
Guwahati |
Assam |
44.42 |
43 |
|
3 |
Tezpur University |
1994 |
Tezpur |
Assam |
43.78 |
48 |
|
4 |
North Eastern Hill University |
1973 |
Shillong |
Meghalaya |
40.51 |
77 |
|
5 |
Mizoram University |
2000 |
Aizawl |
Mizoram |
38.36 |
94 |
|
6 |
Rajiv Gandhi Indian Institute of Management |
2007 |
Shillong |
Meghalaya |
37.28 |
99 |
India ram chhunga University 700 chuang awm zinga National Institutional Ranking Framework (NIRF)-in tehna a siam ah Mizoram University hi 58-na ni bawk a ni.
