Vawiin khan Thuamluaia Lunglei ah India Republic Day vawi - 67 na lawm a ni. Pu Asish Madhaorao More, IAS Lunglei Deputy Commissioner chuan hnam puanzar pawtparh in parade contingent 21 ten hnam puanzar chibai an buk chu a chhanglet bawk. Pu Asish Madhaorao More chuan Republic Day thuchhah sawiin India danpui chu ni 26th january 1950 khan hmang tanin India ram chu mahni a ro inrel na ram alo nita a ti.

Vawiin Republic Day vawi-67 na ah hian kan hruaitu hmasa ten he ram tan a, thifahnukchat a anlo beihna zawng zawng kan hre reng a, zalenna kan neih theih nana an thawhna te, an hmathlir ropuitak te chu chawisang in i vawng nung zel ang u a ti a, chu ngaihdan ropui tak chu thinlung a vawngin Zoram Sawrkar chuan mipui te tan theihtawp a chhuah mek a ni a ti.

Mizoram sawrkar hmalakna hrang hrang sawiin kum 2015-2016 mai bakah hun lo la awm tur thleng a District hrang hrang tan hmasawnna a ruahman, Sawrkar hmalakna pui ber NLUP hmangin mi tamtak eizawnna a siamsak tawh a. Kut hnathawktute tharchhuah tihpun nan NLUP Board te chuan University of Minnesota, USA te, Mizoram University, FAO, UNDP, UNIDO leh ILO nen an thawk ho a ni. Third Party Monitoring Agency NABCONS pawhin NLUP hmalakna hi tha a ti hle a ni a ti. Tunah hian Lunglei Dist. hian NLUP Beneficiaries 22,251 zet neiin, 1st phase leh 2nd phase apezo tawh a, 3rd leh 4th phase ah hian mi 7,738 te hnen-ah 1st. Installment ape leh a ni. Soil & Water Conservation, Fisheries, Sericulture Deptt. ten 2nd. Installment an pe chhuak leh tawh bawk. Horticulture Department pawh in 2nd. leh 3rd. phase a sem chhuak thuai dawn bawk a ni ati. Agricultur Deptt. in National Food Security Mission, RKVY, Oil palm tih hmasawnna leh NLUP hnuai a ram siamthat nan Soil testing vawi 167 lai a ti tawh bawk a, Indistries, Forest leh AH&Vety Deptt. te pawn NLUP hi hlawhtling takin an sem tawh a ni.

High Powered Committee, Lunglei pawhin District hmasawnna kawng hrang hrang a awm theih nan hma nasa takin a la mek a, chung zing ah chuan Thangte - Vaisam kawng zauh te Lunglei khaw chhung lungrem siam te, Baptist Higher Secondary School, Serkawn a Digital Class Room siam te, DVO, DRO leh Medical Superintendent Office siam that hna te thawh a ni a, heng a tan hian cheng nuai 233 zet hmanral a ni. UD&PA Deptt. pawhin Integrated Housing & Slam Development Programme chu chhung kaw 500 velin an chhawr tangkai mek a ni. Food & Civil Supply Deptt. pawhin sawrkar ah cheng 2,12,176,953 lai grade 'A' buhfai hralhna an chhung lut tawh a ni. Food & Security hnuai a beneficiaries te hamthatna reilo te ah kan Dist. ah pawh hman theih kan beisei a ni. PHE hmalakna in tui thianghlim kan dawn bak ah P&E Deptt. hmalakna in Nghasih zau tih en na pawh peihfel a ni tawh a ni. Reform Excelarated Power Development, Rural Electrification te pawh an bung tan mek a ni. Labour Employement & Industrial Training chuan mi 90 zet ITI an zirtir chhuak tawh a, DRDA ah Job Card 34,108 zet MGNREGA hnuai ah siam tawh in cheng nuai 2494.77 lai a sem chhuak tawh a ni. Education Deptt. pawhin Pre-Matric Schollarship naupang 19295 hnenah a pechhuak tawh a, kum 2014-2015 chhung khan RMSA hnuai ah School 13 zet sak belh leh a ni bawk. Pi C. Lalbiaktluangi, Headmistress Gov't P/S Bazar Veng, Lunglei leh Pi Ngurthansangi, Gov't Garden P/S Rahsiveng te hian National leh State Award anlo dawng tawh bawk a ni a ti.

Vawiin Republic Day lawmna ah hian khuallian Pu Asish Madhaorao More chuan ‘President’s Award for Scouts & Guides’ mi panga thlan chhuah te hnenah a sem a, chungte chu : 1).Judith C.Ramdinmawii, Sacred heart School, 2).Jack Vanlalhriata, Sacred Heart School, 3).Vanlalhruaia Pachuau, Sacred Heart School, 4).Mika Lalmuanawma, Chawngfinga Memorial School, Zohnuaia leh 5).P.C.Lalbiaknunga, Chawngfinga Memorial School te an ni a.

Vawiin Republic Day Parade hi SI. Rodingliana Sailo in kaihruaiin Mizoram Home Guard chu Armed Contingent ah pakhatna niin 2nd. Bn. MAP chua pahnihna an nibawk. Un Armed contingent ah NCC Airwing BHSS, Serkawn chu pakhatna niin, Pahnihna ah Scouth & Guide Chawngfianga Memorial School, Zohnuai an ni a, Pathumna ah Guides Company Mounth Harmon School, niin School Contingent ah Secred Heart School pakhatna an ni a, 2nd. Bn. MAP English School chu pahnihna niin, Graceland English School te Pathumna an nibawk. Republic Day Thuamluaia mual a hman zawh ah hian sawmbikte pualin DC's Lawn ah 'VIP's At Home' neih a ni.