3380/2022-2023

Aizawl, the 26th January 2023: Vawiin khan ram chhung hmun dangte rualin Thuamluaia Mual, Lunglei ah India Republic Day vawi 74-na ropui taka lawm a ni a, Pu Kulothungan A, IAS Lunglei Deputy Commissioner chu khuallian a ni. 

Zing ni chhuah rualin Lunglei District chhunga sawrkar Pisa hrang hrangah India Hnam Puanzar zar niin a lawmna pui ber chu zing dar 9:30 ah neih tan a ni. Pu Kulothungan A chuan hnam puanzar pawtparhin Parade Contingent 23, Armed 3, Unarmed 9, School Contingent 11 ,bakah 3rd Naga AR Pipe Band leh Govt.High School Pipe Band  ten hnam puanzar chibai an buk chu a chhanglet a ni. 

Khuallian Pu Kulothungan A chuan Lunglei District mipuite chu Republic Day chibai bukin India khua leh tuite tan zalenna sual chhuak tu ram hruaitu hmasate zahna chibai a buk bawk a. Kan ram Dan Bu (Constitution of India) siam leh hman tanna ni ah hian he Dan Bu ropuina leh hlutna hre chhuak thar leh theuh ila tiin Lunglei DC chuan mitin te kan dikna leh chanvo humhalh saka kan awm hi kan vannei takzet a ni, a ti. India khua leh tui zawng zawng ten kan ram Dan ropuina leh zahawmna vawng him turin tih ve tur (Fundamental Duties) kan kova innghat te kan hlenchhuah ve a tul takzet a ni, a ti bawk. 

Khuallian chuan Lunglei District chhung a Sawrkar Department hmasawnna hrang hrang te tarlangin DC Office Lunglei chuan Tawipui South leh a chhehvel khuaah 'Go to the people Campaign' neiin, sawrkar atanga ham thatna dawn theih hrang hrang te hrilhhriat an ni. Corporate Social Responsibility Fund kaltlangin project hrang hrang kalpui a ni a, chung te chu Civil Hospital Lungleiah Effluent Treatment Plant (capacity 20 KLD) khawl bun, Free Medical Camp huaihawt, primary school sawmrukah ELF English Learning Programme huaihawt leh zirlaiten IBM Skillsbuild e-learning platform an hman ve theih na tur ngaihtuahsak te an ni. CSR kaltlangin ambulance 2 chu Chief Medical Officer leh Sub-Headquarters YMA, Lunglei hnenah hlan a ni a, Sub-District Hospital, Tlabungah 20KV Diesel Generator hlan a ni bawk. Kum 2022 chhungin Certificate 10207, Aadhaar Enrolment 12905 leh Inner Line Permit 1206 te pek chhuah a ni a. Khuarel chhiatna tuartute tanpuina  Rs. 53.88 lakhs sem chhuah a ni bawk.

Lunglei Police te chuan kum 2022-2023 chhungin District chhungah case 205 register in case 133 ah charge sheet  thehluh a ni.

Traffic dan bawhchhia pawisa chawi tir tling khawm hi Rs 5,01,450/- a ni. Police station tinah Family Counseling Centre, child friendly room leh Women HelpDesk te siam a ni.

DRDO chuan December 2022 thleng khan fund Rs.6231.37 lakhs an dawng a, Job Card Holder mi 32,716 te tan inhlawhna ni 75 siam sak an ni. AwaasPlus hnuaiah beneficiary mi 266 te chu in sak nan Rs.1,30,000/- theuh pek an ni.

Urban Development & Poverty Alleviation Department (UD&PA) chuan Swachh Bharat Mission (Urban) hnuaiah lawmman pahnih- Clean City Award in North East India leh  Best Performing Award in Indian Swachhta League 2022 an dawng a. Mi 1335 hnenah mimal ek in sak nan fund sem chhuah a ni bawk.

The Land Revenue & Settlement Department chuan 335 LSC 335 leh House Passe 86 an pe chhuak a,temporary pass 319 renew-in the Stamp & Registration Act,1908 hnuaiah document 19,08,808 an register a ni. Property registration, land tax revenue leh non-tax revenue atangin Rs. 92.92 lakhs lakkhawm niin, Rs. 593.5 crores chu NH-54 leh NH-302 siam hna avangin compensation atan ramneitu mi 3906 hnenah pek a ni.

H&FW Department chu Covid-19 do kawngah a hmatawngah awmin vaccine la 2.4 lakh chuang an awm tawh a ni. Routine Immunization an kalpui mek zel a, Civil Hospital Lunglei ah Level III Trauma Care Facility building sak zawh niin Paediatric Hybrid I.C.U siam that a ni.

AH & Vety Department hnuaiah kum 2022 chhungin Vety Hospital, Vety Dispensaries leh Rural Animal Health Centre hrang hrangah ran damlo 20,540 enkawl tawh niin vaccine 5,481 pek chhuah tawh a ni. Revenue chhun luh zat chu Rs. 2,42,380/- a ni. AH & Vety Farm, Lungpuizawlah Calf Rearing farm, Cattle Demonstration Farm leh Hatchery cum Broiler Poultry Farm kalpui zel a ni. Revenue hmuh tawh zat leh sawrkara chhun luh zat chu Rs. 5,43,990 a ni.

The District Transport Officer chuan kum 2022-2023 chhungin lirthei 1650 an register a, licence 4431 an pe chhuak. 6th July 2022 atang khan MST bus te chu Town bus ang a service tir an ni a, chuta tanga sum hmuh zat chu Rs. 11.67 lakhs a ni.

DCSO Lunglei- National Food Security Act, (NFSA) 2013 hnuaiah Lunglei District-ah beneficiary mi 1,09,193 an awm a. One Nation One Ration Card hnuaiah

Mid-Day-Meal leh Wheat-based Nutrition Programme (WBNP) scheme hnuaiah Anganwadi, school leh welfare institution-ah te fortified rice quintal 31.80 sem chhuah a ni.

PWD, Lunglei Road Division chuan Formation Cutting 15.35 km ti zo tawh in Flexible Pavement 14.50 km leh Paneled Concrete Pavement 6.80 km an siam zo a ni.

Public Health Engineering Department –Rural WATSAN Division, Lunglei chuan Swachh Bharat Mission (Grameen) hnuaiah Community Compost pit leh Community Soakpit 53 an siam a ni. Jal Jeevan Mission hnuaiah hna 122 zawh a ni.

Irrigation & Water Resources Department – PMKSY 1,2 leh 3, PMKSY Ground Water leh NABARD(RIDF XXVII) hnuaiah Minor Irrigation Projects 10 kalpui mek a ni a, hei hi kut hnathawk chhungkaw 272 te  tan eizawnna ngelnghet an neih theihna tur a tih a ni.

The District Agriculture Officer chuan scheme hrang hrang bawhzuiin chung zingah chuan National Food Security Mission, SEDP, RKVY te telin PMKSY scheme  hnuaiah tui dah khawlna 80 sak a ni. The District Agriculture Officer chuan scheme hrang hrang bawhzuiin chung zingah chuan National Food Security Mission, SEDP, RKVY te telin PMKSY scheme hnuaiah tui dah khawlna 80 sak a ni. Fisheries Department- Government Fish Seed Farm, Zobawk ah hlawhtling takin sangha chi hrang hrang inthlahpun tir an ni. PMMSY  hnuaiah Rearing Pond siam nan mi 40 hnenah  tanpuina pek a ni. Phairuangkai a Departmental farm pawh HPC Lunglei fund hmanga siam a ni. The Social Welfare Department- National Social Assistance Programme (NSAP)  kaltlangin Lunglei District  chhungah mi 5689 hnenah tanpuina pek a ni. Rualbanlo leh matric la pass lo zirlai 162 hnenah scholarship an hlan a, PwD mi 27 te pawh Disability pension pek an ni.District Industries Centre, Lunglei- Rs. 1555 lakhs tling PMEGP loan 139 an khawih a,  DIC Lunglei hnuaiah Manufacturing and Servicing sector atang mi 931 an in ziak lut. Mizoram KVI Board, Lunglei- PMEGP scheme hnuaiah Rs. 144.50 lakhs in project 12 siam a ni.

Account & Treasuries Department chuan pension case 605 an chingfel a ,  sum lama an hlawhtlinna chu Rs. 155.55 crores a ni.  The office of the Deputy Commissioner of State Tax chuan chhiah hrang hrang GST, Professional Tax, Mizoram Value Added Tax leh Entertainment Tax a khawn khawm chu  Rs. 787.62 lakhs a ni.

The Printing & Stationery Department- stationery item leh printing charge atangin Rs. 2,24,231/- hmuh a ni.   

Heng bakah hian Lunglei District chhunga Department hrang hrang hmalakna te a tarlang bawk. 

Republic Day 2023 lawmna ah hian, Subedar Pyare Lal, 3rd Naga Bn. AR hnenah President Police Medal for Meritorious Service hlan a ni. Parade contingent titha Unarmed 1-na Student Police  Cadet leh  Sacred Heart HSS, 2-na NCC Lunglei Govt. College, 3-na Scout and Guide,Baptist English School te an ni. School ah 1-na Adventist English School, Bazarveng, 2-na 2nd Bn. MAP English Medium School, 3-na JNV School Pukpui te an ni. UD&PA hnuaia fai inelna Lunglei Cleanliness Competition 2022-a lawmman dawngtute zinga a ti tha te hnenah lawmman hlan nghal a ni bawk a, heng zinga a titha berte  chu  Govt. Offices : Information & Public Relations Office, Lunglei, Market : 3-Gate Bazar, School : Govt. Rahsiveng Middle School II, Institution : HATIM, Hotels : Tourist Lodge, Zotlang, Hospitals : UPHC, Sazaikawn, Locality (Veng) - Salem Veng, Commercial Area : Rahsiveng, Workshop  : TATA Motors Authorised Service Outlet, Ramthar, Faina kawng a thawk tha ber thlante, Mipa- Vanlalvuana, Hmeichhia-Lalhmingsangi te an ni. 

Hei bakah hian Dist. Nutri  Garden Award   Serte Anganwadi Centre I ten an dawng a, 3rd Naga Bn AR ten wheelchair leh crutch bakah walker mi 6 hnenah an hlan a, Republic Day lawmna pual hian cultural programme hrang hrang Kendriya Vidyalaya, Govt.College, Govt. J.Buana College, Sacred Heart Higher Secondary School, EMRS leh MCSU ten hnam lam an entir bakah bakah 3rd Naga Bn. Assam Rifles ten band display an entir bawk a, Fire Service Medal For Meritorious Service lawmman chu Pu Lalnunpuia, Lunglei Fire Station, Mizoram hnenah hlan a ni bawk.