No.2766/2021-2022
Aizawl, 28th October, 2021 : Labour, Employment, Skill Development & Entrepreneurship Department chuan State aiawha fehchhuak Mizo thalaite lo hmuahna leh lawmpuina hun vawiin khan I.T.I Auditorium, Govt. I.T.I Complex-ah a hmang a. He hun hi Pu K. Lalhmingliana, Director, LESDE Department chuan a kaihruai a ni.

India Skills Regional Competition East Zone leh North East Zone Competition 20 - 22 October, 2021 chhunga Patna, Bihar-a neih zawh takah hian Mizoram Team chu Trade 11 hnuaiah Participants 15 an tel a, Mizoram chuan Gold 3 leh Silver 6 lain, direct-in Nationals a tlang 3 a nei bawk a ni.

He hun hmanpuitu Pu Lalramsanga Sailo, IRS, Secretary, LESDE chuan Ministry of Skill Development & Entrepreneurship, National Skill Development Corporation leh India Skills Regional Competition thlengtu Bihar State chungah lawmthu a sawi a. Eastern Region intihsiaka hlawhtlinna changte lawmpuina thu a hlan a, kawng chanve an zawhna hi a tawp thleng hlen chhuak thei turin duhsakna a hlan bakah, World Skill Competition, Shanghai-a neih turah Mizo thalaite talent phochhuah a nih ve ngei theih nan tha taka inbuatsaih turin State aiawh a chhuak turte a fuih bawk a ni.

Lawmna inkhawmah hian LESDE Director pawhin thusawiin Mizoramin a la tawn ngai loh, World Skill Competition-a tel tur thlanna, India Skills Regional Competition-ah Mizoten theihna sang tak an nei a ni tih phochhuahin a awm a ni a ti a Skill khawvel a nih tawh avangin, Zoram thar siam turin Skill-ah hmasawn zel a pawimawh a, Mizoram thanlenna tur pawimawh tak a nih avangin Skill Development hi uar taka kalpui zel a tul tawh a ni tiin, kal khawmte a fuih a. State aiawhte chher hriamtu 'mentor' rawihte chungah lawmthu a sawi bawk a ni.

Attachment

  • Loading attachment...