1495/2022-2023
Dated Kolasib: The 8th August, 2022: Vawiin chawhma khan DC Conference Hall, Kolasibah 'Har Ghar Tiranga' programme hlawhtling tak a hman a nih theih nan Kolasib District huam chhunga in tin a tar tur India hnam puan semchhuahna neih a ni a. Pu John LT Sanga, Deputy Commissioner chuan he hun hi a hmanpui a ni.

Bawrhsap Pu John LT Sanga chuan 'Har Ghar Tiranga' programme hi sawrkar laipui in a ngai pawimawh hle a ni tih sawiin, India zalenna kum 75-na lawmna pualin Kolasib District huam chhungah pawh in tin ah India hnam puan tar a nih theuh theih nan hmalakpui ah a sawm a ni.

Art & Culture Department hmalaknain Kolasib district a sem tur India Flag 10,000 dawn a ni a. Flag pakhat hi Cheng 20 zel a tihral tur a ni. India zalenna kum 75-na lawmna pual a ‘Har Ghar Jhanda Scheme’-in a phut angin August ni 13 atanga ni 15 thleng tar tur a ni dawn a. Kolasib khaw chhung bak ah Thingdawl leh Bilkhawthlir RD Block hnuai a khaw hrang hrangte tan Flag hi sem a ni. DLAO leh BDO-te kaltlangin Village Council leh SHG member-ten flag sem dan tur hi an kalpui dawn a.

Flag semchhuahna hunah hian Sawrkar Office hrang hrang hotute bak ah NGO hruaitute an tel a ni.