Supply Minister Pu K. Lalrinliana ruahmanna in vawiin khan Indian Oil Corporation Ltd. (IOCL) hotuten Mizoram Chief Minister Pu Zoramthanga chu a pisa ah an kawm a, Mizorama eirawngbawlna gas supply tih that lehzualna atana pawimawh hrang hrang an sawipui.

Chief Minister chuan IOCL hotute chu Mizoram hi tri-junction area, Bangladesh leh Myanmar inkar a awm kan nih avanga intlawhpawh kawnga  harsatna kan tawh tam thin thu a lo hrilh a, nitin mamawh chakkhai (essential commodities) dah thatna  leh a himna chu mipui tan a pawimawh a ni a ti a, rel lian lo thleng tawh in kawngpui pawimawh zual te pawh siam that mek a ni a , hetiang atana hma la tura a an mamawh ram leh thil dang te pawh ngaihtuah sak theih a in beisei thu a sawi. Bairabi a gas bottling plant leh oil depot sak hna pawh an rawn tan vat a besei thu a lo hrilh bawk.

IOCL  CGM Pu Uttiya Bhatacharya chuan Mizoram chu an ngaih pawimawh thu leh gas supply pawh a theih ang a tha a tih an tum tur thu sawiin, an kut a dah a anmahni chu ring ngam tur in mipuite a ngen tih a sawi a, storage tih that nan Vairengte oil depot hman tawh loh pawh a thar siam hma a lo hman lailawk theih tur a hma an lak dawn thu a sawi bawk. IOCL officials lo kal te hi Mr.Uttiya Bhattacharya,CGM/IOAOD State Office, Mr. B.K.Sharma, GM(Ops),IOAOD SO., Mr. M.Patra, DGM(LPG)IOAOD SO.,  Mr.A.Dutta ,.CDRSM,Silchar DO.,Mr.D.Biswas , Sr.Mgr(LPG-S)/Silchar Area Office leh Mr. Vishal Alok , Mgr (RS) Aizawl Sales Area te an ni.