Vawiin khan DC Office Chamber, Mamit-ah Dr. Lalrozama, IAS, District Bawrsap/ Chairman, District Level Task Force Committee hovin PMEGP hnuaia Loan dil te Screening Committee a lo pawm tawhte thlirho a thutkhawm a ni.

Meeting-ah hian Mamit District chhunga MKVIB leh DIC hnuaia PMEGP Loan diltu Sreening paltlang tawhte thlirho niin MKVIB hnuaiah hian Loan dilna 83 lutah 80 pawm a ni a. DIC hnuaiah hian dilna 60 lut zinga 45 pawm a ni. MKVIB hnuaiah hian Rs 322.60 lacs (Nuai zathum sawmhnih pahnih leh Singruk) sum hman tura duan niin DIC hnuaiah hian Rs 165 lacs (Nuai za sawmruk panga) a ni bawk.

Vawiin Committee hian PMEGP hnuaia Loan diltute chu a hmanna tur dik taka hmang tur leh Margin Money beisei vanga Loan diltu nilovin eizawnna ngelnghet din nana hmang theuh tura a duhthu a sawi. Bank hrang hrang kaltlanga Loan diltu te'n Loan an hmuh dan a zira Margin Money semrual theih turin thuneitu sang hnenah thlen nise committee hian a ti bawk.

Vawiin Meeting-ah hian  Director,RSETI, Manager, MRB Mamit, DIPRO Mamit, KVIB leh DIC aiawhte, PD, DRDA aiawh, Chairman Jt. VC, W.Phaileng VCP bakah Kawrthah S VCP te an tel a ni.