1749/2022-2023

Aizawl, the 30th August 2022: State Institute of Rural Development & Panchayati Raj (SIRD&PR), Mizoram leh Mizoram Watershed Development Agency (MzWDA) tangkawp buatsaihin District hrang hranga Watershed Development Team (WDT)-te tan ni 4 (30.8.22 – 2.9.2022) chhung awh tur “Induction Training Course for Watershed Development Team Members under WDC-PMKSY 2.0” chu vawiin khan SIRD&PR, Durtlang Leitan-ah a hawnna neih a ni a. Pu R. Lalthazuala, Chief Executive Officer (CEO), MzWDA & Director, RD Department he training hi a hawng a ni.

Pu R. Lalthazuala chuan training pawimawh tak mai an nei thei tur chu lawmawm a tih thu sawiin, Watershed Development hi sorkar laipuiin hming hrang hranga a lo kalpui tawh thin thu leh tuna WDC-PMKSY 2.0 hi Mizorama RD Block engngemaw zatah Project (Zau) 18-ah kalpui a ni, a ti a. He Scheme hian kan ram bua zel leh hmun hring lo tlem zelte siamtha a, thingtlang mite eizawnna siamsakna atan leh lui tui kang mek humhalh a, siamthat hi a tum ber a ni a. Hemi tihlawhtling tur hian WDC-PMKSY 2.0 atan a WDT lak tharte chu a tak taka thawktu leh a hmuna thawktu an nih avangin an pawimawh em em tih a sawi a. Training pawh hlawkpui ngei tuma uluk leh thahnemngai taka training nei turin a fuih hlawm a ni.

CEO, MzWDA chuan WDC-PMKSY 2.0 bakah hian RD Scheme hrang hrangte nena thawhho thiam a pawimawh a, chutianga thawhho thiam a nih chuan RD Scheme-te chu thingtlang mipuite tan chhawrnaawm zawk leh hlawk zawkin hman a ni thei dawn a ni, a ti. Project thawk tha, PFMS, MIS, Plan-te tifel a, tizo hmasa apiangte hnenah Fund pawh a awm dan azirin pekchhuah zel a ni dawn a, chuvangin, thawktute an thawho that a, an hna an uluk a, tha taka an thawh a ngai dawn a ni, a ti bawk.

WDC-PMKSY hi a hlawhtlin chuan thingtlanga mi harsa zawk, loneitute tan malsawmna a ni thei dawn a ni tih hre reng chunga, \hahnem ngai tak leh hlawk taka training tura kalkhawmte chahin, Training hi a hawng a ni.

Training hawnna hun hi Pu Lalhmunsanga Hnamte, Director, SIRD&PR chuan a kaihhruai a. He hunah hian Pu Khuangthansanga Pakhuangte, Course Director/ Associate Professor, SIRD&PR chuan training neih dan tur tlangpui leh hriat tur pawimawhte sawina a hmang a. Dr. MS Dawngliani, Course Director/Associate Professor, SIRD&PR chuan lawmthu sawiin training hawnna hun hi a khar a ni.

He Training-ah hian Mizoram District hrang hrang atangin WDT member mi 33 kalkhawmin, SIRD&PR leh SLNA mithiamten kalkhawmte zirtirna an pe dawn a ni.

Attachment

  • Loading attachment...