Nimin ( 17 July 2017 ) khan National Health Mission hnuaia kalpui State Vector Borne Diseases Control Programme chuan Malaria Technical Supervisor (MTS)-te tan Induction training a buatsaih chu Banquet Hall, Tourist Lodge Chaltlang-ah hawn a ni a. National Health Mission Director Dr. Lalrozama, IAS chu he hunah hian Khuallian a ni.

Khuallian Dr.Lalrozama chuan training buatsaih a nih chhan leh trainees-te fuihna thu sawiin Malaria programme-a thawktute chu hriselna kawnga thawktu pawimawh an ni, a ti a. State țhenawm Nagaland ațanga trainees lo kalte hnenah chuan theihnate in hriatsak tawn a, state hmasawnna atana thawkho tur leh tawnhriat hmanga hmasawn tlang zel turin a chah bawk a ni.

Training hi July Ni 17 - 27 chhunga neih tur a ni a. Resource person atan mithiam tak takte sawm niin  National Vector Borne Disease Control Programme (NVBDCP) Regional Director leh Addl. Director leh Training Consultant ten telpui tura beisei an ni a. Trainning chhung hian Practical Demonstration leh Field visit-te a awm bawk ang.

Jt. Director (Malaria) cum State Programme Officer (VBD) Dr. HC Thangkima chuan he hun hi kaihruaiin lawmna thu a sawi a. Trainees hi Mizoram atangin MTS 13 leh Nagaland atangin 5 MTS-te an ni.