Vawiin khan Minister Dr. R. Lalthangliana kaihhruai Industrial Development Board Meeting Vawi 4-na chu Secretariat Conference Hall, MINECO-ah neih a ni.

Industrial Development Board Meeting-ah hian Minister  Dr. R.Lalthangliana chuan  eizawnna ngialnghet neih theihna, Prime Minister's Employment Generation Programme (PMEGP) hnuaia Industry hrang hrang Bank kaltlanga dil theih awmte, a chhawrtu ten a tam thei ang ber an chhawr theih nan Nationalised Banks hotute hnenah loan dil theihna criteria te ennawn turin a ngen bakah, bank tam zawk, abikin Private Sector Bank te hnen atangin a tam zawkin PMEGP loan lak theih dantur te an sawi ho a ni. Minister Dr. R. Lalthangliana chuan PMEGP a hlawhtlin theih nana Nationalised Bank leh Private Sector Bank te hmalak zel dan leh ruahmanna mipui tana an siam te sawrkar in a enzui ang, tiin a sawi a ni.

He meeting-ah hian Draft Industrial Policy of Mizoram, 2019 sawi ho a ni a, Handloom  Industry atana tanpuina dawng thei tur te, SEDP hnuaia Village/Locality Industrial Development Committee leh District Level Industrial Development Committee a mawhphurhna la tu tur leh a dangte rel a ni.

Industrial Development Board Meeting Vawi 4-na ah hian Industrial Development Board Vice-Chairman Pu C. Ramhluna leh Board Member te bakah  Commerce & Industries  Department Director Pu J.Hmingthanmawia leh midangte an tel a ni.