Kolasib District chhunga Industries Deptt. hnuaia NLUP Ist Phase beneficiary Carpentry leh Wood Processing thlangtu mi 88 te hnenah vawiin khan 2nd instalment pawisa sem a ni a. Heng pawisa tehi Pu CT Rosiama, SDIO Kolasib chuan ama Office, Kolasib Tuitha vengah a sem a ni.

Vawiina pawisa sem tak hi a vaiin Rs 74,80,000/- a ni a. Kolasib, Lungdai, Kawnpui, Bilkhawthlir, leh Vairengte -a MRB Branch Manager theuhten an huam chhunga beneficiary te account-ah sum hi an dahsak dawn a ni. Industries Deptt. hian Ist instalment-ah khan Rs 20,000/- anlo pe tawh a. Tun tumah hian mi pakhat zel hnenah Rs 85,000/- pe lehin a vaiin Rs 1,05,000/ theuh an pe ta a ni.