Vawin chawhma khan Parliamentary Secretary for Finance, Planning, etc. Pu KS Thanga chuan ni 21 - 26.11.2016 thleng awh tur Aibawk Zone Football Tournament chu Aibawk playground-ah khuallian niin a hawng.

Pu KS Thanga chuan Sport lamah Zofaten hma kan sawn chak hle a, State Level leh National Level mai nilo International level thleng in kan thalai te hmel hmuh tur a awm ta hian khawvel hriatah pawh Sport lam ah zofate kan mikhual tawh loh zia a tilang a ni, a ti a. Chutih rual chuan kawng tam takah hmasawnna tur kan la nei tam hle avangin, thalai infiammite pawh in taimakna, tumruhna leh inpekna thuk zawk nen hmalam an pan a pawimawh thu a sawi a. Sorkar hmalakna vanga infiamna khawvela kan hmasawnna tluang taka a kal zel theih nan thalai te chu ruihhlo leh thil thalo lak ah insum turin a chah bawk.

Aibawk Zone Football Tournament ah hian Aibawk zone-a khua 13 atangin Football Team 20 chhuakin, Dt.26.11.2016(sat) ah Final match khel hman tura beisei ani. Heng team atang hian MFA-in Interzone football tornament a buatsaih tur ah zone aiawh tur te thlanchhuah nghal a ni ang.