Vawiin Dar 2:00 Pm khan Transport Minister Pu John Rotluangliana Office Chamber ah Transport Department hotuten meeting an nei.

Meeting hi Transport Minister Pu John Rotluanglianan a kaihruai a. Mipuite leh lirthei khalh tu te hriattur pawimawh hrang hrang sawiho a ni a, Supreme Court chuan kum 2020 a India ram puma Accident vanga thihna thleng thin chu 50% a tih hniam a nih theih nan State leh UT zawng zawng te chu State Road Safety Council din turin a phut a. He thuchhuak bawhzui hian Mizoram Transport Department chuan ‘Road Safety Council’ a din a, Notification pawh tihchhuah thuai a tum a ni. Road Safety Council chuankanvai akanlo him tlan zawk theih nan lirthei khalh tu te leh mipuite hriattur  leh zawm tur hrang hrang duang in bawhzui a nih dan an thlithlai(monitor) dawn a ni.

Meeting ah hian Transport Secretary Dr. Franklin Laltinkhuma IAS, Additional Secretary Pu H. Laizika, Transport Director Pu R.Remmawia leh official hrang hrang te an tel a ni.