Information & Public Relations Department buatsaih Mizo lemziak mite kutchhuak Mizoram pawna pholanna ‘Colors of Mizoram 2020 Art Exhibition’ chu vawiin khan New South Gallery, Academy of Fine Arts, Kolkata ah hawn a ni a, Exhibition hian February ni 26b thleng a awh dawn a ni.

‘Colors of Mizoram 2020 Art Exhibition’ hi Prof. Isha Mahammad, Chairman, Asiatic Society leh Government College of Art & Craft Kolkata Principal lo ni tawhin, vawiin tlai dar 6:00 PM khan a hawng a, hawnna programme hi Pi Lallianpuii, Director, I ≺ Pi K.Vanlalsangi, Deputy Director, I≺ Prof. Chatrapati Dutta, Principal Government College of Art & Craft Kolkata leh Kolkata a lemziak mi engemaw zatin an hmanpui a ni.

Art Exhibition ah hian Mizo lemziak mi 24 te kutchhuak 54 pholan a ni a, hengte hi pencil sketch 4, water color painting 24 leh acrylic painting 28 te a ni.

I & PR Department in Mizoram pawna Mizo lemziak mite kutchhuak pholanna hi Delhi ah pawh 2018 leh 2019 ah te an lo buatsaih tawh a. Hengah te hian tlawhtu an thahnem Mizote kutchhuak hian hlut a hlawh hle a. Heng Exhibition lo neih tawh ah te a hmuna painting engemaw hralh lo ni tawhin a hnu zelah pawh ram pawn atangin order an hmu zui a ni.