2764/2023-2024

Aizawl, 9th November 2023: 06 Nov 2023-a Shillong atanga tan tawh NCC North Eastern Region (NER) Rally for Cadets a tel te chuan nimin khan Aizawl an rawn lut a, Gajraj Hall kawtah Governor Dr. Hari Babu Kambhampati flag kengin a lo vai lut a. Hemi hnuah hian program tawi neih chhunzawm a ni. NCC NER Rally for Cadets hi Major General Gagan Deep, ADG NCC Directorate North East Region (NER) chuan a rawn hruai thleng a. He NCC Rally-ah hian NCC Cadet leh an hruaitu Army Officer te chu Lirthei 12 ah chuangin in rawn inzui a, program nei lawk velin hmun hrang hrangah thalaite nen hun an hmang dawn a ni.

Governor chuan a thalaite hmasawnna tura NCC hnathawh te, ram leh hnam inpumkhatna chungchanga thalaite kaihruai kawngah hna pawimawh tak a thawh thu te a sawi a. MCC in kum 75 a tlin denchhena NCC NER buatsaih a ni chu lawmawm a tih thu sawiin ‘Inpumkhatna leh Thununna’ tih thupui hmanga North East state hmun hrang hranga zirtirna an kalpui tur pawh a hlawk thlak dawn hle tih a sawi bawk.

Governor chuan Mizoram thalaite chu NCC ah a tel tha pawl leh thahnem ngai taka thawk tu zinga mi an nia a hriat thu a sawi a. Lungleiah 2 Mizoram Bn NCC a lo awm leh tak hnuah Mizoram thalaite tan NCC a tel theihna a in hawng zau sawt a ni a ti a. NCC chuan thalaite chu mipuitling, khua leh tui thaah a chher thin a, sipai a luh tum te tan chauh lo pawh thalaite tana inhmanna hmun tha a ni a ti.

Thusawitu dang, Major General Gagan Deep, ADG NCC hmalakna te tha taka a lo thlawp thin avangin Governor chungah lawmthu a sawi a. Mizo thalaite hnen program hlawk thlak tak hmun hrang hrangah he Rally chuan neih a tum tih a sawi. Lawmthu a sawi bawk.

November 6 atanga November 26, 2023 thleng  Rally hi neih tur a ni a, he mi chhung hian Km 3500 a thui vel an zin kual hman tura chhut a ni a. Hmarchhaka Seven Sister State zawng zawng a paltlang vek dawn a, culture interchange leh inpumkhatna chungchang chu thupuiah hmangin program hrang hrang duan a ni a. G20 – ‘ One Earth, One Family, One Future’ tih chungchangah pawh inzirtirna kalpui tum a ni.