India rampawn atanga kum1990 vel atanga rawn lut tan Claries Gariepinus (Thai Magur) Mamit District chhunga Tuikhuah-ahte  enfiah tura din Inspection Team te chuan vawiin khan Zawlnuam leh Kanhmun khua-a tuikhuahte an enfiah.

Inspection Team te chuan Zawlnuam khua-a tuikhuah neitute kawmin tuna India ramin tihrem tuma a beih mek Thai Magur chungchang sawifiahna an nei a, Zawlnuam khua tuikhuah neitu pakhat chuan kumkhat kalta khan he sangha hi a lo khawi tawh thusawiin kum khat chhungin kg 1/2 te a tlin hman thu a sawi, amaherawhchu Sangha dangte tan a himloh avang leh a sangha hrim hrim an ngainatloh avangin an lo tihrem tawh thu a sawi a ni. Zawlnuam khua tuikhuah hrang hrangah te hian  Thai Magur hi a awm leh awmloh lena hrutin enfiah a ni a, enfiah chinah hmuh a ni lo a ni.

Vawiin vek hian Kanhmun khua-a tuikhua-ah te pawh Clarias Gariepinus ( Thai Magur) hi a awm leh awmloh enfiah ni bawkin vawiin hian hmuh a nilo bawk a ni.

Vawiin-a Inspection Team te'n an enfiah chinah chuan Clarias Gariepinus ( Thai Magur) hi hmuh a ni rih lova, a tahtawla enfiah hnathawh chhoh zel a ni ang.

Inspection Team te hi Chairman Pu H.D Lalpekmawia, SDO(S), Pi C. Lallianpuii DFDO, Member Secratary bakah Members te,  Pu Paul Rokima, DIPRO, Pu C. Lalramdinzela, President MJA, Pu Lalhmangaihhlua, SDPO, Kawrthah te an ni.