Vawiin khan Indian National Trust for Culture and Heritage (INTACH) chuan DIET Auditorium Chaltlangah Poster Making Competition an buatsaih a. Competition thupui hi ‘Route to Roots’ tih a ni.
He Competition hi INTACH, Mizoram Chapter Convener Pu P. Rohmingthanga chuan kaihruaiin INTACH, Mizoram Chapter Member Pu Lalzidinga Sailo chuan thu sawina hun a nei a. Chhungkua leh khawtlang nun, hnam zia rang leh tawng, sakhuana, kut hrang hrang, hnam incheina, hnam lam, rimawi leh a dangte pholang thei zawnga Competition hi buatsaih a ni.
Competition hi darkar hnih chhung neih niin poster siam chungchang thu ziakna hun darkar chanve neih a ni leh a. Competition-ah hian Class VI atanga Class IX zirlaite an tel a ni.
