DIPRO Mamit leh Mamit District chhunga thuthar thehdarhtu te, Mizoram Sorkar hmalakna hnuaia Mizoram khawchhak lama pipute sulhnu, Kawtchhuah ropui, Lianchhiari lunglen tlang, Rihdil bakah Hlakungpui mual leh Mizorama khawfai ber Biate tlawha zin chhuakte chu nizan khan tluang takin Mamit an thleng.

NEDP Press Tour hi January 15 - 18 chhunga buatsaih niin Mamit Journalist te  hian Pu John Rotluangliana, bialtu MLA chu a office-ah an tlawh haw a,  inkawmhona hun tha tak an nei nghal bawk a ni. Bialtu MLA hian Press Tour neite tan hian an thingpui inna tur  Rs 6000 a tumsak chu Journalist te hian bialtu MLA chungah lawmthu an sawi.

MJA Press Tour a kalte hian Mizoram Sorkar-in hetianga Mizo hmun hlui leh hmingthang tak takte tlawh theihna hun remchang an siamsak chu lawmawm an ti hle a. Mizoram Sorkar chungah leh I&PR Department chungah lawmthu an sawi tak meuh meuh a ni. Mizoram leh Myanmar insumdawn tawnna hmunpui Indo-Myanmar Border Trade Centre tlawh nghal a ni bawk a. MJA Mamit District Member-te chuan ram pahnihte inkara  insumdawn tawnna tha tak awm chu chawinun zel an duh thu  sawiin he lai hmun tlawhtute tan leh ram kaltlang tur te lo buaipuitu tur Public Relations Officer dah ni thei se an duhthu an sawi a ni. MJA Mamit te tan hian Pu V.L Chama Ralte OC/Migration Officer Zokhawthar Police Outpost in tukhuan a lo buatsaih sak chu lawmawm an tih thu an sawi bawk a ni. 

NEDP Press Tour te hi Serchhip MJA te chuan lo dawngsawngin thingpui in puina an lo nei bawk a ni.

Tarlan tawh angin NEDP Press Tour-ah hian DIPRO, Mamit leh Mamit MJA Member 8 te an kal a ni.

Attachment

• Loading attachment...