Mizoram PWD (Highway Division) chuan Ni 20 January, 2018 (Inrinni) leh Ni 22 January, 2018 (Thawhtanni) inkarah Dapchhuah/Tut leihlawn (Concrete bridge) siam chu a enchhinna (Load testing) an nei dawn a. Tut leihlawn zawh tum lirthei leh a chhunga chuangte him zawk theih nan DISTRICT MAGISTRATE, MAMIT DISTRICT, MAMIT chuan Sec.144 Cr.PC 1973 in thuneihna a pek angin a hnuaia mi ang hian thupek a chhuah a ni.

"Ni 20.01.2018 (Inrinni) 5:00 AM atanga Ni 22.01.2018 (Thawhtanni) 8:00 PM inkarah Tut lei chu lirthei lian chi (Medium & Heavy vehicle) tan zawh phal a ni lo. Lirthei te chi (light vehicle) erawh chuan leihlawn hlui (Bailey bridge) an zawh thei ang".

He thupek zawm lo te chu Section 188 of IPC hmangin hrem an ni ang.