Vawiin khan INTACH, Mizoram Chapter chuan I&PR Conference Hall-ah Pau Cin Hau Alphabet chungchanga inrawnkhawmna an buatsaih a. He hunah hian INTACH, Mizoram Chapter hruaitute leh mithiam sawm bikte an kal tha hle. Kalkhawmte hian tunlai khawvel hmasawn zelah Mizo Tawng hi nasa lehzual zawka humhalh a tul thu an sawiho a ni.

Zosapte’n Mizo A, Aw, B (alphabet) an lo siam hnua Mizo hnahthlak zinga mi Pau Cin Hau in ama irawm chhuak kum 1902-ah hawrawp, Pau Cin Hau Alphabet tia koh a lo siam chu mithiam kalkhawmte hian zau taka sawihovin thlirna hrang hrang atangin chik takin an thlir ho va. Kum 1894 vela Zosap te’n hawrawp an lo siam hma pawhin Mizote hian Mizo irawm chhuak hawrawp an lo nei ve tawh niin hriat a ni bawk a, chu chu ngun taka zirchian leh humhalh tula an hriat avang hian sawihona hun tha tak vawiinah hian an hmang a ni.