Vawiin khan Intensified Diarrhea Control Forthnight ni 12-24 June, 2017 chhunga neih tur atana hmalakna tur thlir hoin Chief Medical Office Chamber-ah IDCF Steering Committee thutkhawm a ni. 

Vawiin Meeting hian IDFC hmalakna tur hrang hrang te sawi ho a ni a, Mamit District chhung mipui ten tangkai zawka an chhawr theihna tura ruahmanna hrang hrang te Committee hian  a siam nghal a ni. 

Ministry of Health and Family Welfare, Govt. Of India-in  ramchhungah naupang kum 5 hnuai lam kawthalo a vanga nunna chan tam tak an awm thin tih hria-in a tihtlemna  tura hmalakna kum 2014 atang khan kumtin hman thin a ni a, Mamit District ah pawh IDCF Steering  Committee hi din tura tih a ni anga din  niin, IDCF chhung hian Ministry of Health & Family Welfare ruahmanna dungzuiin ASHA te’n an bial theuhah naupang kum 5 hnuai lam awmna inah naupang pakhat tan ORS pakhat zel sem tura ruahmanna siam a ni a,  ORS awlsam tea mahni ina siam dan zirtirna leh kawthalo chungchanga invenna leh hmalak zui dan tur inzirtirna naupang kum 5 hnuai lam awmna inah te neih ni se tih a ni bawk. 

IDCF chhunga Mamit District a hmalakna tur atan hian Primary leh Middle School Naupang te tan kutsilfai inzirtirna leh kawthalo enkawl dan zirtirna neih ni se, nitina kutsilfai nachang an hriat deuh deuh theihna turin school tinah zirtirtu bik in ruat ni se tih a ni a,  heng bakah hian a lem an hmuh theih mai turah te tar ni se tih a ni. bawk. 

Mamit District chhunga IDCF kalpui chhung hian District chhunga damdawi in hrang hrang, Sub Centre, Anganwadi Centre ah te Zinc Corner ORS siam ni se tih a ni a, kawthalo laka invenna leh he natna veite tana zinc pek pawimawhna inzirtirna te neih thin a ni ang, IDCF hmalakna kalpui chhung hian Mamit District chhunga Nodal Officer atan SMO Mamit chu ruat niin hmalakna hlawhtlin dan ni 21 leh 22 ah te tlawhkual leh a ni ang. 

Meeting hi Dr Zothankhuma,Chhakchhuak CMO Mamit chuan kaihruaiin meetingah hian IDDF Steering Committee a ruat bikte an tel a ni.