2232/2024-2025

Dated Hnahthial the 26th September, 2024: Vawiin chawhnu dar 1:00 khan Government Hnahthial College-ah Intensified IEC Campaign - India Fight Against HIV&STI puala buatsaih Short Skit competition chu neih niin result puan nghal a ni.

He hunah hian Govt. Hnahthial College Principal, Pu Lalsiamthanga chuan thu sawiin college zirlaite fuihna thuchah a sawi a. Mizo zingah AIDS leh STI vei an tam chu thil ngaihmawhawm tak a nih thu sawiin a hnam ang zawng pawhin kan tan a tul thu a sawi a. Zirna lam leh kawng engkimah a bikin Mizo mipate chu tan lak thar a ngai a ni tiin midang tan pawh a rintlak, pasal tlak ni tura a duh thu a sawi a. Ram siamtha tur chuan thalaite baka pawimawh an awm loh thu sawiin he huna programme neih tak hian awmze thui tak nei se a duh thu a sawi a. AIDS leh STI lakah kalkhawm zirlaite chu an fihlim theuh theih nan an nun uluk taka hmang theuh turin a sawm a ni.

Short skit competition-ah hian College zirlai atang group nga an inel a. Programme theme mila topic hrang hrang an insiamchawp hmangin short skit competition chu neih niin intihsiakna a tel zawng zawng hnenah lawmman sem a ni a. He intihsiakna a lawmman dawn dan chu tiang hi a ni.

Pakhatna:  3rd Semester Students ( Lawmman: Rs 5000)

Pahnihna: 5th Semester Students ( Lawmman: Rs 3000)

Pathumna: Boys Hostel (Lawmman: Rs 2000)

Hei bakah hian 1st semester group -1 (Liandingpuii) leh 1st semester group-2 te hnenah consolation prize pek an ni.

He short skit competition-ah hian Pi Esther Leihang, SDO Sadar; Pu FC Zonghinga, SDPO leh Pu F. Lalrinfela, DIPRO te chu judge atana hman an ni.